22. juli-kommisjonen (òg kalla Gjørv-kommisjonen) var ein regjeringsnedsett uavhengig kommisjon som vart oppretta som følgje av terrorangrepa i Noreg 22. juli 2011. Avgjera om å oppretta utvalet vart teken av regjeringa i eit møte onsdag 27. juli, men ho vart òg teken i samråd med alle opposisjonspolitikarane på Stortinget. Målet til den uavhengige kommisjonen var å gje svar på kva som skjedde 22. juli 2011.
Kommisjonen skulle ikkje vera ein granskingskommisjon, men gje ei samla framstilling av kva som skjedde denne dagen i Regjeringskvartalet og på Utøya, og dessutan å gje tilrådingar ut frå det kommisjonen fann ut.
I statsråd fredag 12. august 2011 vart Alexandra Bech Gjørv oppnemnt som leiar for 22. juli-kommisjonen. Kommisjonen vurderte habiliteten til medlemmane og sjølvstende og fann at kommisjonen var habil. Professor i forvaltningsrett ved Universitetet i Oslo, Erik Boe, skreiv ein betenking og kom til same konklusjon.[1]
22. juli-kommisjonen overleverte og offentleggjorde sin endelege rapport, NOU 2012: 14, «Rapport frå 22. juli-kommisjonen», måndag 13. august 2012.[2]
Kommisjonen hadde mellom anna representantar frå politi, rettsvitskap, forsking og medisin:
- advokat Alexandra Bech Gjørv, Oslo (leiar)
- jurist Ragnar Line Auglend, Bergen
- statsviter og forskar Laila Bokhari, Norsk utanrikspolitisk institutt, Oslo
- tidl. direktør Einar Skaarseth Enger, Rakkestad
- politioverinspektør Stefan Gerkman, Innenriksministeriet, Finland (utnemnd veka etter dei andtr)
- generalløytnant Torgeir Hagen, Hamar
- tidl. direktør for Københavns Politi Hanne Bech Hansen, Danmark
- professor Guri Hjeltnes, Handelshøyskolen BI, Oslo
- visepresident i Norges Røde Kors, Rektor Linda Motrøen Paulsen, Stavanger
- fylkeslege Karin Straume, Vadsø
- Bjørn Otto Sverdrup (sekretariatleiar), statsvitar og tidlegare kommunikasjonsdirektør i Statoil
- Olav Njølstad, historikar og professor ved Universitetet i Oslo og tidlegare forskingsdirektør ved Nobelinstituttet
- Ida Skirstad Pollen, advokat hos Kommuneadvokaten i Oslo
- Åsne Julsrud, tingrettsdommar ved Drammen tingrett
- Tor Erik Heggøy, partnar i Tenden Advokatfirma
- Kristin Randa, sosialantropolog og seniorrådgjevar i Etterretningstenesta
- Walter Wangberg, tidlegare førstestatsadvokat i Hordaland og konstituert lagdommer i Gulating lagmannsrett
- Geir Ivar Tungesvik, historikar og underdirektør i Riksarkivet
- Unni Lundby Fossen, advokatsekretær i Advokatfirmaet Hjort
- Marianne Aasland Gisholt, rettsfullmektig i Trygderetten