Leonie ter Braak (Buurse, den 28. september 1980) is en twentsk model, televisypresentatrice en aktrice.
Ter Braak syne loupbane begünde as fotomodel. Al rap deade he ouk presenteren vöär RTV Oost, by de programma's Prikkels en Vet plat. Et eyrste was en programma wårin as Ter Braak bysündere steades in Oaveryssel besöchten, sou as modegevölige winkels en uutgånssteades. Et tweyde was en spelprogramma wårin as junge deylneamers uut de verskillende deylen van Oaveryssel tested wordet up öäre kennis van et neadersassisk. Van 2007 töt 2011 deade se vöär RTV Oost et programma En dan nog even dit presenteren.
In de lokale televisyryge Van jonge leu en oale groond spöälden Ter Braak de rulle van Eva. Undertüsken volgden see ne deyltydsupleiding an de amsterdamske toneelskole.
Nåjår 2010 begünde Ter Braak by et NTR-programma Keuringsdienst van Waarde. Vanaf september 2012 deade see Vandaag de dag presenteren, en morgenprogramma van umroop WNL, up wörkeldage alle morgens vöär Nederland 1. In 2015 wör et programma ümmenöömd når Goedemorgen Nederland. Teagen et eande van 2017 skeiden Ter Braak der med uut en güng se hen warken vöär SBS6.
Vöär et Algemeen Dagblad makeden Leonie Ter Braak de ryge De Roze Hel, med bekende en unbekende ölden. Dårin wör allens behandeld wat lüde lever neet oaver olderskap weaten wilt. In 2020 deade see med an et programma Wie is de mol?. Vanaf 2019 düt see et vöälbekeakene SBS6-programma Hart van Nederland presenteren.
Februari 2020 spöälden see med as dochter Liesbeth in den twentsken film De Beentjes van Sint-Hildegard van Herman Finkers.