Parahu adolah kandaraan aia nan biasonyo labiah ketek dari kapa lauik. Babarapo parahu biasonyo dibao dek kapa lauik sabagai sekoci. Dek tu kato parahu iko sabananyo mangalami panyompikan makna, basobok satidaknyo hinggo abaik ka-17, parahu marujuak kapado kapa gadang (caliak K'un-lun po/parahu Kunlun), bahkan galleon Barat pun sabalunnyo dikategorikan sabagai parahu, hinggo digantian dek kato "kapa" pado bahaso Indonesia dan bahaso Melayu modern, nan sajatinyo baâsa dari rumpun bahaso Dravida "kappal".[1] Kato iko mulai tobik pado literatur Tamil sabagai kato கப்பல் (kappal) satalah abaik ka-17.[2] "Kapa" dulunyo digunoan untuak marujuak pado kandaraan aia dari pasisia Koromandel (pantai Timur India), dari bahaso Telugu atau Telinga, nan punyo sistem layar parsagi (square-rigged vessel).[3]:66, 379 Kandaraan nan disabuik "parahu" pado maso modern, dulu disabuik sabagai sampan (baâsa dari kato Cino 舢舨).[4]
Sabuah parahu biasonyo tadiri dari ciek atau labiah struktur nan mangapuang disabuik lambuang kapa dan babarapo sistem pandorong ajak baliang-baliang, dayuang, pedal, tiang layar, layar, roda pandayuang atau sabuah jet aia.
Parahu "Barquentine" | |
---|---|
Tipe | Kapa |
Tampek asa | Eropa Barat Lauik dan Amerika |
Wikimedia Commons mampunyoi media nan bahubuangan jo Parahu |
Cari tau tantang Parahu di proyek-proyek Wikimedia lainnyo: | |
Definisi dan terjemahan dari Wiktionary | |
Kutipan dari Wikiquote | |
Entri basis data #Q35872 di Wikidata |