Madan adolah ibundo koto provinsi Sumatera Utara, Indonesia. Kota iko marupokan kota tagadang di Pulau Sumatera. Kota Medan marupokan pintu gerbang wilayah Indonesia bagian barat dan juo sabagai pintu gerbang bagi para wisatawan untuak manuju objek wisata Brastagi di daerah dataran tinggi Karo, objek wisata Orangutan di Bukik Lawang, Danau Toba.
Ado banyak bangunan tuo di Medan nan masih manyisokan arsitektur khas Balando. Contohnyo: Gaduang Balai Kota lamo, Kantua Pos Medan, Manara Aia Tirtanadi (nan marupokan ikon kota Medan), Titi Gantuang - sabuah jambatan di ateh rel kareta api, dan juo Gaduang London Sumatera.
Salain itu, masih ado babarapo bangunan basijarah, antaro lain Istano Maimun, Musajik Rayo Medan, dan juo rumah Tjong A Fie di kawasan Jl. Jend. Ahmad Yani (Kesawan).
Daerah Kesawan masih manyisokan bangunan tuo, co bangunan PT. London Sumatra, dan ruko-ruko tuo sarupo nan dapek ditamukan di Penang, Malaysia, jo Singapura. Ruko-ruko iko, kini alah disulap manjadi sabuah pusek jajanan makan nan rami pado malam harinyo. Kini Pamarintah Kota marancanokan Medan sabagai Kota Pusek Balanjo jo Makanan. Diharokkan jo adonyo program iko manambuah aruih kunjuangan jo lamo tingga wisatawan ka kota iko.
Di daerah Kesawan iko, ado Kantua Notaris/PPAT Hj. Chairani Bustami, S.H. nan marupokan salah satu Notaris tatuo di Medan, salapeh Alm. A.P. Parlindungan, S.H. Kini Hj. Chairani alah pensiun dan aktif mangaja di Universitas Sumatera Utara. Aktifiteh kantua iko kudian digantikan dek putra-putrinyo nan juo malanjuikan profesi urang gaeknyo sabagai Notaris.
Indonesia
.svg)
