London (i/ˈlʌndən/) adolah ibu kota Inggirih dan Baritania Rayo, marupoan wilayah metropolitan tabosegh di Baritania Rayo[catatan 1]. Batampek di sapanjang Sungai Thames, London alah manjadi pamukiman utamo salamo duo milenium sojak didirian dek Kakaisaran Romawi pado abad ka-1 dangan namo Londinium.[1] Pusek dari London kuno, iyolah City of London, sabagian bosegh iko tatok mampartahankan bateh-bateh abad partangahannyo. Sojak abad ka-19, namo London jua digunoan untuak manyabuik kota metropolitan nan bakambang di sakitar pusek iko.[2] Konurbasi dari wilayah-wilayah urban iko pado akhianyo mambantuak Region London dan wilayah administratif London Raya.[3][4] Wilayah iko diatur dan dibawahi dek wali kota London dan Majelis London nan dipiliah malalui pamilihan umum.[5]