Joserizal Jurnalis | |
---|---|
Lahia | 11 Mai 1963 |
Kabangsaan | ![]() |
Alma mater | Universitas Indonesia |
Karojo | Dotor, panggiat |
Dikana dek | Pandiri Mer-C |
Pasangan | Dian Susilawati |
Anak | Aisha, Nabila, dan Saladin |
Urang tuo | Jurnalis Kamil jo Zahara Idris |
Joserizal Jurnalis (lahia di Padang, Sumatera Barat, 11 Mei 1963; umua 61 taun) adolah surang dotor sakaligus panggiat nan mambantu masyarakaik korban parang. Jose-pun marupoan pandiri organisasi kamanusiaan Mer-C (Medical Emergency Rescue Committe) nan malakuan patolongan medis dalam wilayah-wilayah konflik jo paparangan. Jose manyalasaian pandidikan kadotoran di Fakultas Kedokteran Universitas Indonesia nan maambiak spesialis badah umum.
Jose alah malakuan patolongan pado babarapo wilayah konflik, antaro lain di Maluku, Mindanao, Afghanistan, Irak, jo Gaza. Dalam malakuan tugehnyo di daerah konflik Jose acok mangalami katabatehan paralatan. Di Maluku misalnyo, Jose harus maamputasi kaki korban jo garagaji kayu. Samantara di Afghanistan, Jose sempat kahabisan jarum suntik.[1]
Joserizal manikah jo surang padusi nan banamo Dian Susilawati sarato alah dikaruniai tigo urang anak, iyolah Aisha, Nabila, jo Saladin. Jose marupoan putra dari Jurnalis Kamil, surang akademisi nan pernah manjabat Rektor Universitas Andalas, Padang, Sumatera Barat pado pariode 1984-1993, sadangkan ibunyo, Zahara Idris surang akademisi pulo.