Gangguan jiwa atau panyakik jiwa adolah pola psikologis atau prilaku nan pado umumnyo takaik jo stress atau kalainan jiwa nan indak dianggap sabagai bagian dari pakambangan normal manusia.[1] Gangguan tasabuik didefinisan sabagai kombinasi afektif, prilaku, komponen kognitif atau persepsi nan bahubuangan jo fungsi tatantu pado daerah utak atau sistem saraf nan manjalanan fungsi sosial manusia. Panamuan jo pangatahuan manganai kondisi kesehatan jiwa alah barubah sapanjang parubahan wakatu jo parubahan budaya, nan saat iko masih tadapek pabedaan tantang definisi, panilaian jo klasifikasi, walaupun kriteria pedoman standar alah digunoan sacaro luweh. Labiah dari sapartigo urang di sabagian gadang negara-negara malaporkan masalah pado ciek wakatu pado rentang hiduik mereka nan mamanuhi kriteria salah ciek atau babarapo tipe umum dari kalainan jiwa.
Panyebab gangguan jiwa ko bavariasi dan pado babarapo kasus indak jaleh nampaknyo, dan teori takadang manamuan panamuan nan rancu pado suatu ruang lingkuik lapangan. Layanan untuak panyakik iko tapusek di rumah sakik jiwa atau di masyarakaik sosial, dan panilaian diagiah dek psikiater, psikolog klinis, dan takadang psikolog relawan sukarela, manggunoan babarapo variasi metode akan tatapi acok bagantuang pado observasi jo tanyo jawek. Parawatan klinik disadioan dek banyak profesi kesehatan jiwa. Psikoterapi jo pengobatan psikiatrik marupokan duo pilihan pangobatan umum, sarupo juo intervensi sosial, dukuangan lingkuangan, jo pertolongan diri. Pado babarapo kasus tajadi panahanan dipaso atau pangubekan nan dipaso dimaa hukum mambuliahan. Stigma atau diskriminasi dapek manambah baban jo kecacatan nan baasosiasi jo kelainan jiwa (atau tadiagnosa kalainan jiwa atau dinilai mampunyoi kalainan jiwa) nan mangarah ka babagai gerakan sosial dalam rangko untuak maningkekan pamahaman jo mancegah dikucian sacaro sosial.
Definisi jo klasifikasi kalainan jiwa adolah kunci untuak peneliti sabagaimano juo panyadio layanan nan inyo mungkin tadiagnosa. Sabagian gadang dokumen klinik internasional mangunoan istilah "kalainan jiwa". Tadapek duo sistem nan mangklasifikasian kalainan jiwa ICD-10 Chapter V. Mental and behavioural disorders, bagian dari International Classification of Diseases nan ditabikan dek World Health Organization (WHO), jo Diagnostic and Statistical Manual of Mental Disorders (DSM-IV) ditabikan dek Psychiatric Association (APA).
kaduo mandaftar kategori kalainan nan manyadioan standar kriteria untuak diagnosis. Kaduo sistem iko alah mangubah kode inyo ka revisi tarakhir sahinggo pedomannyo dapek dibandiangkan, walaupun masih tadapek pabedaan signifikan. Skema klasifikasi lain mungkin juo digunoan di budaya non-barat, jo panduan lain mungkin juo digunoan dek urang-urang nan manggunoan teori persuasi. Pado umumnyo, kalainan jiwa diklasifikasian tapisah manjadi kalainan saraf, kaindakmampuan baraja, atau kalainan jiwa.
Indak sarupo sistem di ateh, babarapo pandekatan klasifikasi indak manggunoan kategori nan jaleh atau pamisahan dikotomi nan digunoan untuak mamisahan antaro nan indak normal jo nan normal. Tadapek debat sains manganai babarapo kategori nan babeda bahubuangan jo kasus nan takategori jo kasus nan indak takategori, kamudian mancangkuik sistem spektrum, dimensional, atau kontinu.
Templat:Penyakit Templat:Kondisi medis