H. Anies Rasyid Baswedan, S.E., M.P.P., Ph.D. (pangucapan bahaso Indonesia: [ˈanɪs baˈswɛdan], lahia di Kuningan, Jawa Barat, 7 Mei 1969; umua 55 taun) adolah akademisi, aktivis, jo politikus Indonesia nan manjabat sabagai Gubernur Daerah Khusus Ibukota Jakarta periode 2017 - 2022, sabagai saurang politikus independen.
Satalah mangenyam pandidikan di bidang ilmu politik jo pamarintahan, Anies Baswedan bakarier sabagai akademisi. Inyo manjabat sabagai Rektor Universitas Paramadina salamo salapan taun,[1] jo manggagas garakan Indonesia Mengajar. Inyo kamudian ikuik sato dalam konvensi calon presiden nan diselenggarakan dek Partai Demokrat pado taun 2013. Pado bulan Oktober 2014, inyo ditunjuak dek Presiden Joko Widodo manjadi Mantari Pendidikan jo Kabudayaan pado Kabinet Kerja,[2] tapi dicopot duo taun kamudian.[3]
Anies Baswedan jo Sandiaga Uno diusuang dek Gerindra jo PKS mamanangkan pamiliahan umum gubernur DKI Jakarta taun 2017 mangalahan Basuki Tjahaja Purnama.[4] Babarapo pangamat meanilai baso kampanye ko sarat jo politisasi isu SARA.[5][6] Sabagai gubernur, Anies maubah sistem sewa rumah susun, mambatalan babarapo proyek reklamasi di Taluak Jakarta, mambantuak Tim Gubernur Untuak Pacapatan Pambangunan (TGUPP), mamfokuskan pambangunan sumua resapan untuak mananggulangi banjir Jakarta, jo mambangun Stadion Internasional Jakarta. Malanjuikan janji kampanyenyo, inyo maimplementasikan program pambantuakan wirausahawan baru malalui OK Oce.
Pado bulan September 2022, Anies Baswedan manyatokan baso dirinyo siap mancalonkan diri manjadi Presiden Indonesia pado pamiliahan presiden taun 2024.[7] Inyo dideklarasian sabagai bakal calon Presiden dek Partai NasDem pado bulan Oktober 2022, babarapo bulan sabalun tahapan pamiliahan presiden sacaro rasmi dimulai.
Wikimedia Commons mampunyoi media nan bahubuangan jo Anies Baswedan |
Wikiquote punyo koleksi kutipan nan berkaitan jo: |
Jabatan politik | ||
---|---|---|
Didaului jo: Djarot Saiful Hidayat |
Gubernur Daerah Khusus Ibukota Jakarta 2017–2022 |
Digantian dek: Heru Budi Hartono (Penjabat) |
Didaului jo: Mohammad Nuh |
Menteri Pendidikan dan Kebudayaan Indonesia 2014 - 2016 |
Digantian dek: Muhadjir Effendy |
Didaului jo: Sohibul Iman (Penjabat) |
Rektor Universitas Paramadina 2007 - 2015 |
Digantian dek: Firmanzah |