A.A. Navis
Lahia	17 November 1924 Kampuang Jao, Padangpanjang, Sumatera Barat
Maningga	22 Maret 2003 (umua 78) Padang, Sumatera Barat
Kabangsaan	Indonesia
Alma mater	INS Kayutanam
Karojo	Sastrawan, budayawan

Ali Akbar Navis (lahia di Padangpanjang, 17 November 1924 – maningga di Padang, 22 Maret 2003 pado umua 78 taun) adolah surang pangarang, panyaia, jo budayawan Indonesia nan tanamo. Di antaro babagai karyanyo, nan tasabuik bana adolah kumpulan carito singkek Robohnya Surau Kami (1956)^[1], sarato buku Alam Terkembang Jadi Guru: Adat dan Kebudayaan Minangkabau (1984)^[2][3] nan acok jadi rujuakan para panaliti adaik jo kabudayoan Minangkabau.

Latar balakang

Baliau lahia di Kampuang Jao, Padangpanjang, dari apaknyo Nafis Sutan Marajo (Padang) jo mandenyo Sawiyah (Padangpanjang),^[4] sabagai anak nan patamo dari limo baleh basudaro.^[1] Apaknyo adolah pagawai Jawatan Kareta Api, bapangkek mandua kapalo (baso Balando: Hoofd Mandoer) bagian jalan.^[5]

Karya

Banyak ide nan dilahiakan dek baliau, dalam hal sumbangan pamikiran tahadap daerah iolah baliau sabagai konseptor GEBU MINANG (Gerakan Seribu Minang) nan dikanal jo garakan Ekonomi jo Budayo Minang. Dalam Hal sastra, buku-buku karyanyo nan sangaik takanal adolah :

• Surau Kami tahun 1955
• Bianglala tahun 1967
• Hujan Panas tahun 1964
• Kemarau tahun 1967
• Saraswati tahun 2002

dan 106 makalah nan ditulis baliau untuak babagai kagiatan nan tahimpun dalam buku nan bajudul "Yang Berjalan Sepanjang Jalan".^[6]

Pangaragoan

• Adiah seni dari Mantari Pandidiakan dan Kabudayoan RI (1988)
• Lancana Kabudayoan dari Universitas Andalas Padang (1989)
• Lancana Jasawan di bidang seni dan budayo dari Gubernur Sumbar (1990)
• Adiah sastra dari Mantari Pandidiakan dan Kabudayoan RI (1992)
• Adiah Sastra ASEAN/SEA Write Award (1994)
• Anugarah Buku Utamo dari UNESCO/IKAPI (1999)
• Satya Lancana Kabudayoan dari Pamarentah RI (2000)

Rujuakan