I Jaffa dia ampahany atsimo sady tranainy amin' ny tanànan' i Tel Aviv-Jaffa any Israely. Io no iray amin' ireo seranan-tsambo tranainy indrindra any amin' ny morontsiraka atsinanan' ny Ranomasina Mediteranea.
Amin' ny teny hebreo izy dia atao hoe יָפוֹ / Yāfō (fanononana hebreo tsotra) na Yāp̄ô (fanononana hebreo tiberiana); ao amin' ny takela-tanimanga tao Tell al Amarna tamin' ny taona 1350 tal. J.K., izy dia antsoina hoe Yapu; amin' ny teny arabo kosa dia يَافَا / Yāfā. Amin' ny teny anglisy izy dia atao hoe Japho or Joppa, fa indraindray dia antsoina hoe Joppé na Jophé amin' ny teny frantsay.
Ny seranan-tsambon' i Jaffa, izay tena niasa tamin' ny Andro Taloha tamin' ny Andro Antenatenany, dia iray amin' ireo fijanonana manan-danja amin' ny lalana mankany Atsinanana, toy ireo seranan-tsambo hafa ao amin' ilay faritra. Tamin' ny Andro Antenatenany i Jaffa dia iray amin' ireo tohatra tao Ampiposahana, na dia manan-danja faharoa raha oharina amin' i Akko (na Acre). Mbola tavela hatramin' izao ny ampahany amin' ilay seranan-tsambo sy ny môzaika tranainy sasany.
Taorian' ny fahaleovantenan' ny Fanjakan' i Israely dia nitambatra tamin' ny tanànan' i Tel Aviv i Jaffa tamin' ny taona 1950 ary niitatra. I Jaffa dia fantatra ao amin' ny tantaran' i Jônà (na Jônasa) sy ny an' i Sôlômôna ao amin' ny Baiboly, ao amin' ny Testamenta Vaovao, ary koa ao amin' ny fedrà grika momba an' i Andrômeda sy i Perseosy.