Ny futur simple dia filazam-potoana ao amin' ny filaza tsotra amin' ny fitsipitenyfrantsay izay amin' ny ankapobeny entina hiresahana zavatra hitranga amin' ny hoavy. Misy koa ny fampiasana ny futur simple izay iresahana zava-mitranga amin' ny fotoana lasa na amin' ny fotoana ankehitriny.
Ny endriky ny futur simple dia foronin' ny fototry ny matoanteny, izay matetika mitovy amin' ny an' ny infinitif nefa tsy voatery, tovanana ny renifeo /r/ na renisoratra -r- sy ny fiafaran-tenin' ity filazam-potoana ity: je ....-rai, tu ....-ras, il/elle ....-ra, nous ....-rons, vous ....-rez, ils/elles ....-ront. Na dia tokana aza ny -r- amin' ny endriky ny infinitif sasany (ohatra: voir) dia mety ho lasa roa (-rr-) izany rehefa atao futur simple (ohatra: je verrai).
Endriky ny futur simple mitovy fototra amin' ny infinitif
Amin' ny ankapobeny dia mitovy fototra amin' ny infinitif ny endriky ny futur simple ao amin' ny matoantenin' ny vondrona voalohany sy faharoa. Toraka izany koa ny an' ny matoanteny maro ao amin' ny vondrona fahatelo.
Misy koa ny endriky ny futur simple izay ahitana -dr-, dia ny an' ny matoanteny ao amin' ny sokajy fahatelo manana infinitif miafara amin' ny -dre sy ny an' ny matoanteny manana infinitif tsy miafara amin' io nefa manana endriky ny futur simple ahitana -dr-.
Ny futur simple dia ampiasaina hiresahana zavatra mety hitranga amin' ny hoavy, miankina amin' ny fahatanterahana fepetra, izay atao anaty fehezankevitra mahaleo tena. Ny fehezankevitra miankina dia ampidirin' ny mpampiankina "si" ary tsy tokony hisy matoanteny amin' ny futur simple fa amin' ny présent de l'indicatif.
Ohatra:
Si, demain, je suis riche, j'achèterai une belle maison.
Tu frapperas à la porte et on t'ouvrira.
Il fera encore une telle remarque et je lui donnerai une punition.
Ny futur simple dia azo ampiasaina hanalefahana ny filazana didy na finiavana na torohevitra. Amin' izany ny lazainan' ny matoanteny dia ny laharana faharoa (tu na vous).
Ohatra:
Vous obéirez à vos parents.
Tu suivras scrupuleusement les consignes.
Futur simple ampiasaina amin' ny tsy fitovian-kevitra
Ampiasaina hilazana ny tsy fitovian-kevitry ny mpiady hevitra na ny fahatezerana noho ny filazan' ny mpandray hafatra. Amin' ny fehezanteny manontany na maneho fihetseham-po no tena ahitana an' izany. Ny mifanohitra amin' izay lazaina no tena hevitry ny tena.
Ampiasana ny futur simple ao amin' ny fitantarana zavatra niseho tamin' ny fotoana lasa nefa aseho ho mitranga aorian' ny fitrangan' ny zavatra sasany. Ny fampiasana ny conditionnel présent dia mety hadikan' ny mpihaino na ny mpamaky ho zavatra nokasaina nefa tsy fantatra na tanteraka na tsia. Miaraka ao amin' ny lahatsoratra ahitana filazam-potoana fampiasa amin' ny fitantarana zavatra niseho any amin' ny fotoana lasa (passé simple, imparfait de l'indicatif, sns).
Ohatra:
Pendant quelques décennies, Madagascar fut colonisé par la France. La Grande Ile acquerra son indépendance en 1960 et la célèbrera tour le 26 juin.
En octobre 2003, Jean-Pierre Raffarin appela Michel Boyon à Matignon, pour donner un deuxième souffle à son action, avant une année électorale qui se révèlera catastrophique pour la majorité. (Le Figaro, 24-01-113)