Ny fitodika mpifanao na fitodika mitoina dia fitodiky ny fehezanteny izay ahitana matoanteny manana endrika manokana tsy mitovy amin' ny an' ny matoantenin' ny mpanao sady misy lazaina izay sady mpanao no zoina na toe-javatra.

Amin' ny fiteny malagasy, ny matoantenin' ny mpifanao dia saika hitovy amin' ny an' ny mpanao nefa ahitana ny tsofoka -if- izay milaza ny fifamalian' ny zavatra ataon' ny olona na zavatra hafa (miisa roa na mihoatra) tondroin' ny lazaina.

Ohatra:

• Mifampijery maharitra izy roa.
• Mifampikapa amin' ny antsy ny ankizy.
• Mifampilako amin' ny fehikibo ny be antitra.

Ny fiteny frantsay dia tsy manana endri-matoanteny hilazana manokana ny fifampitoinana fa mionona amin' ny fampiasana matoanteny mitampody (ahitana mpisolo tena mitovy laharana amin' ny lazaina), izay tsy inona fa ny matoanteny manano ihany. Ampiasaina hanamafisana izany indraindray ny tambinteny hoe réciproquement na mutuellement na ny hoe l'un l'autre, l'une l'autre, les uns les autres, les unes les autres.

Ohatra:

• Ils s'envoient des cadeaux. ("Mifandefa fanomezana izy ireo").

• Aimez-vous les uns les autres. ("Mifankatiava ianareo")

Ny fiteny anglisy dia mampiasa matoanteny manano sy ny mpisolo tena mitoina each other na one another.

Ohatra:

• John and Mary like each other. ("Nifanambady i John sy i Mary")

• Matoanteny mitampody

• Fitodika mpampanao

• Fitodika atao

• Fitodika iharana
• Fitodika mpanao
• Fitodika sehatra
• Fitodika mpandray
• Fitodika fitaovana
• Fitodika mpamari-toe-javatra
• Fitodika tompon-javatra
• Fitodika tsaraina