Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
'n Vaeke of veke ies 'n klein sjarnerend houte peurtsje dat gebruuk weurt um 'ne tuin, 'ne koalef, 'ne bóngerd of 'n wei aaf te sjlete. 't Ies 'n opegewèrkde constructie van latte. 'n Groate opegewèrkde, ineingetummerde houte poort van planke weurt vauwer geneump. 't Vauwer(e) kèn 'n ganse sjtraot aafsjlete of 'ne breie doorgank nao 't land of nao de wei. 'n Sjtegelke ies 'ne hièle sjmale doorgank allein besjtumd veur luuj.
't Woord vaeke kump van 't germaanse faka 't gein vlechwerk beteikent. Vreuger woorte dit saort peurtjes gevlochte van wilgetek.