Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Nevel is e waerversjiensel wobie miniscuul waterdruupkes inne boetelóch hangen es 'n saort aan aërosol. Nevel kump 't ganse jaor veur, meh veural in 't vreugjaor of inne herfs. Me sprèk van "nevel" wen 't zich bepirk. Dees waterdruupkes of woukdruupkes zeen zoeaget 1 toet 10 µm groeat dewiel 'ne raengerdroep tupisch doezjendj kieër grótter is.
d'n Dampkrink bevatj ummer 'n bepaoldje wieväölheid aan waterdamp, wovan meistes e deil is gekóndenseerdj op kóndensaasjekaene, wie fienstof, polle en veural zaltkristalle. Wie vöchtiger de lóch is, wie hoger de rilletief vöchtigheid, en wie mieë kóndensaasje optruuetj. Innen dampkrink kan al bie 'n rilletief vöchtigheid van zoeaget 35% vleujbaar water waeren aangetuuendj rónjelóm kóndensaasjekaene, veural wen väöl wateraantrèkkendje kaene (hygroscopische kaene) dao zeen. Wen mieë waterdamp dao is zal 't druupke greuje en los meistes de oearsprunkelike kóndensaasjekaen op. Inne meteorologie wuuertj 'n grens van 80% rilletief vöchtigheid aangehaje; daobaove sprèk me van "nevel".
Wen 't zich in nevel minder es 1000 m wuuertj, den sprèk me van mis. Bie mis is de rilletief vöchtigheid get ónger of oppe 100%