Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Euverhem of Euverem ies 'ne groate gesjlote haof aan de voot van de Goudsberg en Sjaatsberg bie Valkeberg. Veurlangs löp 't "Sint Pièterpaad", kómmend vanoet 't veurmalig veursjtedsje Sint-Pièter, dat 'n deil van de Via Belgica zou kènne zin gewaes. De naam Euverem geit truuk nao ouw bewoning (heim) op 'n huègde (euver), aan de euverkant van de Geul, want liègeraaf in Valkeberg, bevingk ziech de hoof en later buurtsjap Neerhem.
Op 'n kaart oet 1840 sjteit 't good geteikend, zoa ouch op de gemeintekaart, oet 1860, van Sjin op Geul woa 't bie huèrde tot 1940.
In Gulpe-Wittem bevingk ziech 'n gehuch mèt de naam Euverem (plaatselik Öäverem geneump).