Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
'ne Buuttereedner ies emes dae 'n buut hèlt. Zoane miensj sjteit dan in of achter 'n buut (wesjton) en vertèlt e humoristisch of satirisch verhaol. Sóms gebeurt dat op riem, veural op 't Duutsj. Dèks hèlt 'r ziech aan ein thema.
Dao vinge buuttereednerkampioensjappe plaats.
In 1824 vroogte wesjvrouwe van Bonn-Beuel toesjtumming aan 't stadsbesjtuur um op de dónderdig veur carnaval 'ne vriejen daag te maoge höbbe um ouch fiès te kènne viere. Dat woort toegesjtange en saer ies vètten donderdig d'n daag van de vrouwluuj en vinge d'r ouw wieverballe plaats. Bie de carnavalsziettinge in Kölle troje es wesjvrouw verkleide mansluuj op en terwiel ze de wesj dege in 'n buut (wesjton), klepsjde ze euver van al en nog get van 't aafgeloupe jaor. Zoa ies de buuttereedner gebore.