Pilleus[1] vel pilleum[1] est tegimen capitis, formâ semirotunda, umbraculum nullum vel minimum habens, ex lana, lana coactili, corio, aut pelle factum. Viri Romani antiqui pilleos Saturnalibus gestare solebant, etiam erat insigne libertatis, servis manumissis donatum.[2] Cum tegimente simili Graeco, quod πῖλος appellatur, coniunctus est. Similia capitis tegimenta sunt apex, galerum, tutulus, ac tiara Phrygia.[3]
Pilearius est artifex qui pilleos facit[4].
![]() |
Vicimedia Communia plura habent quae ad pilleos spectant. |