Marcus Perperna (natus saeculo 2 a.C.n., mortuus anno 129 a.C.n. Pergami) vir publicus Romanus fuit qui consulatum anno 130 a.C.n. gessit.
Pater eius civitatem Romanam adeptus est, sed anno 126 a.C.n. rursus amisit[1]. Ipse Perperna primus e gente non Romana consulatum adeptus est. Filius Marcus Perperna anno 92 a.C.n. consulatum administravit.
Anno 132 a.C.n. praetor Siciliae seditionem servorum suppressit, Hennam expugnavit atque idcirco ovationem accepit[2]. Anno 130 a.C.n. una cum Lucio Cornelio Lentulo et deinde post collegae mortem cum Appio Claudio Pulchro consul fuit. Successor Publii Licinii Crassi Divitis Muciani imperium contra Aristonicum usurpatorem Pergami suscepit, quem Stratoniceae cepit[3]. Antequam in patriam redire potuit, Pergami morbo obiit[4]. Templum Dianae Hierocaesareae in Lydia constituit[5].
Antecessores: Lucius Valerius Flaccus et Publius Licinius Crassus Dives Mucianus |
Consul 130 a.C.n. cum Lucio Cornelio Lentulo |
Successores: Gaius Sempronius Tuditanus et Manius Aquillius |