Mare Mediterraneum aetate Iordanis: Imperium Romanum Orientale subrubro pictum; regiones a Iustiniano expugnatae viridi colore pictae.

Iordanes (natus anno ignoto; mortuus post annum 552) fuit homo doctus ac saeculi sexti rerum gestarum scriptor.

De vita

Pauca de Iordanis vita nota sunt, nec certum est, utrum Gothus fuerit an Romanus, quamvis ipse dicit avum suum, Pariam nomine, notarium fuisse principis Gothici Candacis, et se ipsum notarium sororis filii Candacis, cuiusdam Gunthigis Bazae, fuisse, magistri militum in Thracia.^[1] Eo tempore gens Gothorum ad confoederationem gentium Germanicarum pertinebat, quae in meridiana Danubii ripa habitantes in dicione erant Iustiniani Imperatoris Romani Orientalis.

Opera

De origine actibusque Getarum. Hoc volumen historicis est grave quia eum Iordanes Latine circa annum 551 scripsit, post quam historiam Gothorum Cassiodori, librum qui nobis non servatur, legerat.
De summa temporum vel origine actibusque gentis Romanorum.^[2] Hoc in libro de Proelio apud campos Catalaunicos gesto narrat.

Conversio operis

Heine, Alexander, ed. 1884. Jordanis Gotengeschichte nebst Auszügen aus seiner Römischen Geschichte. Übersetzt von Wilhelm Martens. Lipsiae: Dunker (postea Lipsiae 1913 aut Phaidon, Assindiae—Stuttgarti anno 1985/1986. ISBN 3-88851-076-7. (Germanice)

Notae

↑ Get. 50: "Scyri vero et Sadagarii et certi Alanorum cum duce suo nomine Candac Scythiam minorem inferioremque Moesiam acceperunt. 266 Cuius Candacis Alanoviiamuthis patris mei genitor Paria, id est meus avus, notarius; quousque Candac ipse viveret, fuit, eiusque germanae filio Gunthicis, qui et Baza dicebatur, mag. mil., filio Andages fili Andele de prosapia Amalorum descendente, ego item quamvis agrammatus Iordanes ante conversionem meam notarius fui."
↑ De summa temporum vel origine actibusque gentis Romanorum.

Bibliographia

Christensen, Arne Soby. 2002. Cassiodorus, Jordanes and the History of the Goths: Studies in a Migration Myth. Hafniae: Museum Tusculanum Press. ISBN 87-7289-710-4.
Croke, Brian. 2005. "Jordanes and the Immediate Past." Historia 54: 473-494 JSTOR
Doležal, Stanislav. 2014. "Who was Jordanes?" Byzantion vol. 84: 145-164 JSTOR
Giordano, O. 1973. Jordanes e la storiografia nel VI secolo.
O'Donnell, James J. 1982 . "The aims of Jordanes". Historia vol. 31: 223–240. JSTOR
Van Hoof, Lieve, et Peter van Nuffelen. 2017. "The Historiography of Crisis: Jordanes, Cassiodorus and Justinian in mid-sixth-century Constantinople." Journal of Roman Studies vol. 107: 275-300 JSTOR

Nexus externi

De origine actibusque Getarum et De summa temporum vel origine actibusque gentis Romanorum in Monumenta Germaniae Historica Theodori Mommsen
The Latin library
De origine actibusque Getarum: opus Anglice conversum
Brian Swain, Empire of Hope and Tragedy: Jordanes and the Invention of Roman-Gothic History (dissertatio Universitatis Civicae Ohiensis, 2014)

Categoriae