Insulae Diomedis[1] sunt duae insulae necnon aliquot rupes in freto Beringiano inter Alascam et Tschucotiam sitae.
Insula orientalis vel insula Diomedis minor (vel etiam insula Krusenstern, nomine Ioannis Krusenstern appellata) ad Alascam pertinet. Insula occidentalis vel insula Diomedis maior (vel etiam insula Ratmanov) pars districtus autonomi Tschucotici Russiae est. Inter insulas fretum 3750 m latitudinis patet, per quod linea commutationis diei transit.
A Symeone Dezhnev insulae apertae sunt anno 1648. Anno 1732 die 16 Augusti[2], i.e. die sancti Diomedis, expeditio Viti Beringii insulas visitavit et nomen Diomedis dedit. Anno 1732 primo in charta certe signatae sunt ab Ioanne Fedorov et Michaele Gvozdev.
![]() |
Situs geographici et historici: Locus: 65°46′1″N 168°59′40″W • OpenStreetMap • GeoNames • Thesaurus Getty • Store norske Lexikon • Большая российская энциклопедия |