Cultus humanus,[1] vel in recentiore Latinitate civilizatio,[2] est societas humana multiplex et globalis. Ad cultum humanum usus agrorum colendorum (unde cultura) et habitatio urbana pertinent. Cultus humanus etiam humanitatem significat.
Vocabulum civilizationis in popularibus et academicis scriptis idem fere valet ac cultura, qui quidem terminus latiore vi adhiberi solet.[3] Omnes homines particeps culturae sunt, quae in universum est "artes, consuetudines, usus, . . . opiniones, aestimationes, mores, et usus materiales qui populi modus vivendi componunt."[4] Nihilominus, sensu latissimo, civilizatio est nomen multiplicis culturae agriculturalis et urbanae. Civilizationes possunt distingui secundum eorum gradum complexitatis temporationisque socialis, et eorum gradum diversitatis actionum oeconomicarum et culturalium.
Sensu vetere sed iam saepe adhibito, terminus civilizationis potest adhiberi causa existimationis: ubi culturae multiplices et urbanae habentur meliores aliis culturis, "feris" vel "barbariis," notio civilizationis adhibetur pro "superioritate culturali (et saepe ethica) quorumdam gregum." Similiter, verbum civilizationis potest significare 'elegantiam mentis, modorum, vel iudicii'.[5]