Acupictura[1] est ars textilis ornandi sive imaginis in textile pingendae per usum acus filamenta coloris varii, sive lanea sive sericea, trahentis. Textilia acupicta saepe in textilia alia aut in vestimenta affigi solent.
Exemplum inclytum acupicturae est tapete Baiocense quod ab acupictricibus Anglosaxonicis saeculi undecimi confectum esse creditur, et, per seriem imaginum, eventus pugnae Hastingensis enarrat.
