Kapuloan Pasifik gadhah kirang langkung 20.000 dugi 30.000 pulo; cacahipun ingkang leres boten dipunmangertos. Pulo-pulo punika kadhang kasebat Oseania, lan kanthi tradhisional dipungolongaken dados tigang golongan: (1) Melanesia, (2) Mikronesia, dan (3) Polynesia.
Melanesia artosipun kapuloan ireng {basa krama: kapuloan cemeng}. Pulo-pulo ingkang mlebet kategori punika inggih punika New Guinea (pulo Pasifik paling ageng ingkang kapérang dados nagari Papua Nugini lan provinsi Irian Jaya gadhahanipun Indonésia), Kaledonia Baru, Vanuatu, Fiji, lan Kapuloan Solomon.
Mikronesia artosipun kapuloan alit. Pulo-pulo ingkang mlebet kategori punika inggih punika Marianas, Guam, Palau, Kapuloan Marshall, Kiribati, Nauru, lan Mikronesia.
Polynesia artosipun kapuloan ingkang kathah cacahipun. Pulo-pulo ingkang mlebet kategori punika inggih punika Selandia Baru, Kapuloan Hawaii, Atol Midway, Samoa, Samoa Amérika, Tonga, Tuvalu, Kapuloan Cook, Polynesia Prancis, lan Pulo Easter.
Wonten ugi pulo-pulo sanès ingkang panggènipun ing Samodra Pasifik, nanging pulo-pulo kasebat boten kagolong dados péranganing Oseania. Pulo-pulo kasebat inggih punika Kapuloan Galapagos gadhahanipun Ekuador; Kapuloan Aleutia ing Alaska; Sakhalin lan Kapuloan Kuril gadhahanipun Ruslan; nagari pulo Jepang, ingkang njangkep Kapuloan Ryukyu; Taiwan; Filipina; Kapuloan Laut China Kidul; lan kathahipun pulo ing Indonésia.