John Edgar Hoover (n. 1ma di januaro 1895, m. 2ma di mayo 1972) esis direktisto dil organizuro la FBI – Federal Bureau of Investigation ("Federala Kontoro di Inquestado"), la precipua federala kontoro por exekutar lego en Usa.
Hoover naskis en 1895 en Washington D.C., ube il obtenis diplomo de lego-skolo en 1916; pose il laboris en la Usana kontoro di judiciado. En 1919 il divenis chefo di la fako di Generala Informeso en la Kontoro di Inquestado. Ye 10 di mayo 1924, selektinte da Prezidanto Calvin Coolidge, il divenis la kinesma direktisto di la Kontoro di Inquestado. En 1935 fondesis la FBI, la precipua federala kontoro por exekutar lego en Usa. Hoover esis la unesma direktisto, ed il restis en l'ofico til morto en 1972 en Washington, evante 77 yari.