GR-pedvoyo o Grande Randonnée (franca), Grote Routepaden o Lange-afstand-wandelpaden (nederlandana), Grande Rota (portugalana) o Gran Recorrido (hispana) esas reto de longa-dista pedvoyi en Europa, grandaparte en Francia, Belgia, Nederlando e Hispania.
La voyi en nur Francia havas tota longeso cirkume 60.000 kilometri. Voyi markizesas per distingiva signi qui konsistas ek blanka bendo super reda bendo. Ici aparas reguloze alonge la voyo, aparte en loki quala bifurki o krucovoyi.
La reto en Francia manteneas da la Fédération Française de la Randonnée Pédestre, ed en Hispania da la Federación Española de Deportes de Montaña y Escalada.
Multa GR-voyi esas parto di plu longa europana marcho-voyi qui transiras plura landi.
La voyi esas markizita ambasinse per blanka-reda signi, aplikita sur voyomoblo per rubando o farbo, e deskriptita en guidlibri. Esas rekomendinda uzar tala guidilo ultre marki alonge la voyo: la marki aplikesas ne plu freque kam necesa, ed anke povas desaparar.
La bazosigno indikas la voyo, e repetesas tempope (ol povas komprenesar kom "vu ankore adheras la voyo"). Direcionochanjo indikesas en Nederlando per flecheto; duopla signo (du reda-blanka signi super l'una l'altra) anuncas direcionochanjo. Kelka tempo pos la direcionochanjo la promenanto trovas bazosigno.
Che nederlandana longadista-pedvoyi e regionala voyi, la voyo semble chanjis dum tempo, exemple pro konstrukto di (rapida-)autovoyi, elimino di supervoyi o konstrukto di edifici. Pro to, che la retsituo di la Wandelplatform listi de chanji voyope esas trovebla.
En Anglia e Wals la voyi nomizesas "National Trails" ed indikesas per imajo di querko. En Skotia li nomizesas "Long Distance Routes" e havas diferanta markizo. En Germania la voyi indikesas per blanka X (Andreaskruis) e seriala numero, exemple "X13" sur nigra fundo.
La europana voyi utiligas la nacionala voyi. Li havas do ultre sua propra numerizo anke E-numero, ex. E11.
Exemplo di longadistas-pedvoyo en Usa esas la 3500-kilometra Appalachian Trail, quo iras de Georgia til Maine.