Victoria (24 de maio 1819 – 22 de januario 1901) esseva le regina del Regno Unite ab 1837 usque su morte. Illa esseva etiem le regina del colonias del Imperio Britannic e adoptava le titulo Imperatrice de India ab 1876. Le final monarcha del Dynastia Hannover, le regno de Victoria esseva plus longe que toto su predecessores. Illo esseva un era de profunde cambiamento social, political, cultural, industrial, scientific e militar, e un apogeo del Imperio e Pax Britannia.
Victoria esseva un granfilia de Georgio III. Ille e le patre de Victoria moriva ante illa habeva duo annos. Illa hereditava le corona in 1837, quand su oncle Gulielmo IV moriva e illa habeva dece-octo annos. Le Regno Unite habeva deveniva un monarchia constitutional e le prime ministros dominava le politicas. Victoria aliquando tentava influentiar le politicas e nominationes del ministros. Illa esseva le final monarcha qui obstrueva un nomination de un ministro. In publico, illa deveniva un icono national e esseva associate con le normas moral stricte del epocha.
Illa maritava su cosino german Alberto de Saxe-Coburgo-Gotha in 1840. Illes parturiva novem infantes, qui maritava con familias regal Europee altere. Illa esseva supernominate le Granmatre de Europa. Post le morte de Prince Albert in 1861, Victoria esseva affligite durante multe annos e evitava apparitiones public. Su distaccamento causava un augmentation temporanee in republicanismo. Durante le medietate subsequente de su regno, su popularitate recuperava e su jubileos de auro e diamante esseva celebrationes public grande. Illa moriva in 1901 e esseva succedeva per su filio Eduardo VII.
Lingua | Nomine |
---|---|
anglese (en) | Queen Victoria |
francese (fr) | Victoria (reine) |
espaniol (es) | Victoria del Reino Unido |
portugese (pt) | Vitória do Reino Unido |
italiano (it) | Vittoria del Regno Unito |
germano (de) | Victoria (Vereinigtes Königreich) |
russo (ru) | Виктория (королева Великобритании) |
latino (la) | Victoria (regina Britanniarum) |