Sicilia | |||
|
|||
![]() |
|||
Nomine native | Sicilia, Sicìlia | ||
---|---|---|---|
Classe | region autonome con statuto special[*], region cultural[*] | ||
Pais | Italia | ||
Capital | Palermo | ||
Population | 4 983 478 | ||
Area | 25 711 km² ![]() |
||
Situate in | Italia, Regno de Italia | ||
Altitude | 3 340 m ![]() |
||
Coordinatas | 37°35'59.85"N, 14°0'55.36"E | ||
Fuso horari | UTC+01:00, UTC+02:00[*] | ||
ISO 3166-2 | IT-82 | ||
Geonames ID | 2523119 | ||
Sito web: https://www.regione.sicilia.it/ | |||
![]() |
|||
Wikimedia Commons Category Sicily |
Sicilia[1] es un region autonome de Italia. Illo es le insula le plus grande del Mar Mediterranee, situate al sud de Italia, del qual illo es separate per le Stricto de Messina. Con alicun parve insulas e archipelagos adjacente, illo constitue le territorio del Sicilia.
Le plus antique evidentia archeologic pro activitate human sur Sicilia data de al minus 12 000 aEC. Circa 750 aEC Sicilia habeva tres colonias phenicie e dece-duo grec. Postea, durante sex decennios, illo esseva le sito del Guerras Sicilian e le Guerras Punic. Post le Prime Guerra Punic, in 241 aEC, illo deveniva un provincia del Republica Roman. Durante sex decennios additional illo remaneva un provincia roman, sub le Republica Roman e sub le Imperio Roman. Post le cadita del Imperio Roman, varie poteres dominava Sicilia: le Vandalos, le Ostrogothos, le Imperio Byzantin, e le Emirato de Sicilia. Post lor conquesta del sud de Italia, le Normannos creava le Regno de Sicilia, super le qual subsequentemente regnava un succession de dynastias: le Hohenstaufen, le Dynastia Capetian de Anjou, Espania, e le Habsburgos; illo esseva ultimatemente unificate con le Regno de Neapole como le Regno del Duo Sicilias sub le Dynastia Bourbon.
Sicilia deveniva un parte de Italia in 1880 post un expedition commandate per Giuseppe Garibaldi durante le unification Italian, e post un plebiscito. Le referendum constitutional Italian de 1946 dava a Sicilia le stato de un region autonome como statuto special.
Sicilia habeva un population de 5 077 487 habitantes (le 30 de septembre 2015) sur un area de 25 703 km².
Illo ha un climate mediterranee typic.
Le capital de Sicilia es Palermo. Altere citates importante es Agrigento, Caltanissetta, Catania, Enna, Gela, Messina, Ragusa, Syracusa, Licata, e Trapani.
Le insula es celebre pro Monte Etna a 3 329 m, le vulcano active le plus alte de Europa e un del plus active del mundo.