Le Passivo o voce passive es un serie de constructiones in grammatica que placia le patiente (le recipiente del action) como le subjecto del phrase. Illo contrasta con le usual activo (o voce active), que placia le agente (le facitor del action) como le subjecto e le patiente como le objecto. Per exemplo:
Le passivo pote teger le agente. Le activo debe semper haber un agente, ben que pronomines generic pote esser usate.
Le passivo in Interlingua es formate per le verbo auxiliar esser (le copula), le participio passate del verbo pertinente, e le preposition per pro identificar le agente. Iste construction deriva del majoritate del linguas fonte: anglese, francese, espaniol, portugese, italiano e (alcun vices) germano. In iste linguas, alcun usages del passivo non pote esser differentiate ab le usage del participio passate como un adjectivo:
Germano etiam usa un construction similar con un verbo auxiliar separate. Russo es le sol linga fonte que usa inflexiones al verbo pertinente. Alter linguas que usa inflexiones include svedese.