Le Mar Morte, etiam appellate le Mar de Sal, es un laco salin que avicina Jordania al est e Israel e Cisjordania al west.
Su superfacie e costas es 423 m infra le nivello del mar,
[1]
e illo es le plus basse elevation sur le Terra.
Le Mar Morte es 377 m profunde, le plus profunde laco hypersalin in le mundo.
Con 33,7% salinitate, illo es etiam un del plus salate corpores de aqua in le mundo,
ben que Laco Assal (Djibuti), Garabogazköl, e alicun lacos hypersalin in Antarctica
ha reportate plus alte salinitates. Illo es 8,6 vices plus saltate que le oceano.
[2]
Iste salinitate causa un ambiente difficile in qual animales non pote florescer, hinc su nomine.
Le Mar Morte es 67 km longe e 18 km large a su puncto le plus late.
Illo jace in le Valle Fissural del Jordano, e su affluente principal es le Fluvio Jordan.