Giuseppe Peano | |
---|---|
![]() | |
Sexo | mascule |
Nascentia | 1858-08-27 (Spinetta) |
Decesso | 1932-04-20 (Turin) |
Causa de decesso | infarcto cardiac |
Loco de reposo | Monumental Cemetery of Turin[*], Q55443832[*] |
Citatania | Regno de Italia |
Educate in | Universitate de Turin |
Occupation | mathematico, philosopho[*], professor universitari[*], linguista |
Premios | Knight of the Order of the Crown of Italy[*] |
Lingua | latino, Latino sine flexione, italiano |
Identificatores | |
ISNI | 0000000108585937 |
VIAF | 73925733 |
Commons | Giuseppe Peano |
Giuseppe Peano, (Cuneo, Italia le 27 de augusto 1858 – Turin, Italia le 20 de april 1932) esseva un mathematico e linguista italian e un del originatores del scientia del logica symbolic. Le axiomas standard pro le numeros natural es nominate le axiomas de Peano in su honor. In le linguistica ille publicava le lingua auxiliar international, Latino sine Flexione anque appellate como Interlingua.
Peano nasceva al ferma Tetto Galant presso 5 km de Cuneo, Italia, in 1858. Su parentes travaliava al ferma. Ille vadeva al schola del villa in Spinetta e depois ille vadeva al schola in Cuneo, viagiante le cinque kilometros a la e de volta a pede cata die. Su parentes comprava un casa in Cuneo ma su patre continuava cata die a travaliar in le campos de Tetto Galant con le adjuta de un fratre e soror de Giuseppe, durante que su matre restava in Cuneo con Giuseppe e su fratre major.
Le matre de Giuseppe habeva un fratre qui esseva prestre e advocato in Turin, e quando ille realisava que Giuseppe habeva multe talento ille prendeva le a Turin con ille pro ir al schola secundari e preparar le pro le studios universitari. Giuseppe prendeva le examines al Ginnasio Cavour in 1873 e tunc deveniva un pupilo al Liceo Cavour ab ille se graduava in 1876 e, in ille anno, ille entrava al Universitate de Turin.
Ille deveniva lector de calculo infinitesimal al Universitate de Turin in 1884 e professor in 1890. Ille anque habeva le titulo de professor al Accademia Militare, Turin, de 1886 a 1901. Su Formulaire de mathematiques (Formulario Mathematico in italiano e "Mathematical Formulary" in anglese), publicate de 1894 a 1908 con collaboratores, esseva intendite pro le disveloppamento del mathematica in su integritate ab su postulatos fundamental usante le notation logic de Peano.
Peano es cognoscite como le creator de Latino sine Flexione, plus tarde appellate Interlingua, un lingua artificial basate sur le vocabulario latin con un grammatica minime. Su Interlingua esseva intendite pro uso como un lingua auxiliar international. Peano compilava un Vocabulario de Interlingua in 1915 e ille esseva pro un tempore le presidente del Academia pro Interlingua (originalmente nominate le Kadem bevünetik volapüka).