Folklore |
---|
instantia de: genre[*], disciplina academic[*] |
subclasse de: Tradition |
parte de: historia, folk culture[*] |
![]() ![]() ![]() |
|
Commons: Folklore |
Folklore[1][2] es le collection de obras artisanal, dansas, burlas, costumes, contos, narrationes oral, legendas, musica, proverbios e superstitiones commun a un population specific, includente le traditiones e etiam multe aspectos proprie a ille cultura, subcultura o gruppo social.
Le termino anglese foklore (del anglese folk, populo, e lore, saper o tradition) esseva usate pro le prime vice le 22 de augusto 1846 per su creator, le archeologo britannic William Thoms, que voleva inventar un parola pro nominar lo que alora se appellava "antiquitates popular".
Il ha totevia multe disaccordo super lo que le folklore concerne realmente: alicunos prende solmente le contos e credentias in consideration mais alteres include etiam festivitates e le vita quotidian.[3] Secundo le recercator argentin Augusto Armando Carrera Gonzales, a fin que un facto es considerate folkloric, illo debe esser anonyme, traditional, actual, transmittite oralmente, popular, collective, empiric e regional. Le definition le plus largemente acceptate per le recercatores actual de iste specialitate es "le communication artistic in micre gruppos", proponite per le recercator del Universitate de Pennsylvania Dan Ben Amos.[4]