Le euro[1] (EUR o €) es le moneta de alicun statos membros del Union Europee: illos comprese in le eurozona, e etiam de altere statos non-membros del UE. Illo esseva introducite le 1 de januario 1999, inde cessava exister dece-un monetas del paises del Union. Le notas e monetas del valutas national ancian, nonobstante, ha continuate a esser valide usque le 1 de januario 2002. Le euro se divide in 100 centesimos, vel eurocent.
Nomine
Le nomine euro es le successor del nomine European Currency Unit ECU. Le documentos official del UE usa le parolas "Euro" e "Cent" semper in forma singular.
Valor
Le valor definitive del monetas que compone le euro es:
- 13,7603 Chelines austriac (ATS)
- 40,3399 Francos belgic (BEF)
- 1,95583 Marcos german (DEM)
- 166,386 Pesetas espaniol (ESP)
- 5,94573 Marcos finlandese (FIM)
- 6,55957 Francos francese (FRF)
- 0,787564 Punt irlandese (IEP)
- 1936,27 Liras italian (ITL)
- 40,3399 Francos luxemburgese (LUF)
- 2,20371 Florinos hollandese (NLG)
- 200,482 Escudos portugese (PTE)
- 340,750 Drachmas grec (GRD)
- 239,640 Tolar slovena (SIT)
- 0,429300 Lira maltese (MTL)
- 0,585274 Libra Cyprie (CYP)
- 30,1260 Koruna Slovac (SKK)
- 15,6466 Koruna estonese (EEK)
- 0,702804 Lats lettonese (LVL)
- 3,4528 Litas lituanese (LTL)
Administration
Le euro es administrate per le Systema Europee de Bancas Central (ESCB), composite per le Banca Central Europee (BCE) e le bancas national del paises-membros que ha adoptate le euro. Le BCE (situate in Francoforte super le Moeno, Germania) es le unic con autoritate pro disveloppar le politica monetari.
.jpg)
