Daejeon | |||
|
|||
![]() ![]() |
|||
Classe | metropolitan city of South Korea[*], citate grande[*] | ||
---|---|---|---|
Pais | Corea del Sud | ||
Population | 1 475 221 | ||
Area | 539,96 ±0.01 km² ![]() |
||
Situate in | Corea del Sud | ||
Coordinatas | 36°21'0"N, 127°23'6"E | ||
Citates gemine | Seattle, Oda[*], Budapest, Nanjing, Calgary[*], Uppsala Municipality[*], Novosibirsk, Brisbane[*], Durban, Sapporo[*], Montgomery County[*], Shenyang[*], Guadalajara, Brno[*], Bình Dương[*] | ||
Fuso horari | UTC+09:00[*] | ||
ISO 3166-2 | KR-30 | ||
Geonames ID | 1835224 | ||
Sito web: http://www.daejeon.go.kr/language/english/index.html, https://www.daejeon.go.kr/ | |||
Wikimedia Commons Category Daejeon |
Daejeon[1] (대전, 大田) es un citate metropolitan in le centro de Corea del Sud. Illo es le quinte plus grande citate in le pais, con un population de 1 438 788 al fin de 2003.
Le nomine historic del region de Daejon esseva Hanbat, un termino natal corean que significa "campo grande". Le termino "Daejeon" es simplemente le mesme termino in Hanja.
In su historia, Daejeon esseva un parve village sin multe residentes. Tamen, in 1905, le ferrovia Gyeongbu comenciava operationes de Seoul a Busan, aperiente un station a Daejeon. Tosto postea, in 1926, sub le regula del governamento japonese, le ferrovia Honam esseva construita inter Daejeon e Mokpo, transformante lo a un grande centro de transportation. A cause de su location geographic e proximitate a medios de transportation, Daejeon cresceva rapidemente.
In 1932, le capital del provincia de Chungnam se moveva de Gongju a Daejeon. Post duo cambiamentos in le fronterias del citate que effectivemente faceva le urbe proxime de Daeduk un parte del citate, Daejon deveniva un metropole in 1993.
In 1999, pro discentralisar le population de Seoul, le complexo governamental de Daejeon esseva construite e resultava in un grande crescimento del population de Daejeon.
Al presente, le crescimento del population de Daejeon es le secunde plus alte in le pais (post Seoul), creante un grande numero de nove projectos pro appartamentos e industrias de technologia in Yuseong-gu.
Location : Coordinatas: . Latitude : N 36° 10' 50" ~ 36° 29' 47", Longitude : E 127 14' 54" ~ 127 33' 21"
Daejeon es locate in le medio de Corea del Sude. Illo es 167.3 km de Seoul, 294 km de Busan e 169 km de Gwangju.
Daejeon es le centro de transportation, ubi duo grande autostratas (le Autostrata Gyeongbu e le Autostrata Honam) e duo grande ferrovias (le Ferrovia Gyeongbu e le Ferrovia Honam) se jungeva. Le systema de traino de alte velocitate, anque cognoscite como le KTX, ha reducite le cursa inter Daejeon e Seoul de quasi duo horas a cinquanta minutas. Daejeon es servite per Cheongju Aeroporto, situate al nord de Cheongju, approximativemente trenta minutas al nord de Daejeon per automobile.
Un metro con un linea nunc existe in Daejeon con planos pro quatro altere lineas. Le metro comenciava in martio 2006. Illo es notabilemente differente del systema usate in Seoul con su plus parve largor, manco de portas inter sectiones, etc. Le metro anque usa dischettos circular in loco de le biletes usate in Seoul, que es platte e rectangular. Le dischettos usate in Daejeon ha duo superficies que pote esser usate pro reclamos.
In 1993, un exposition international (Expo '93) esseva tenite a Daejeon.
Le LPGA jocatores de golf Se Ri Pak e Jang Jeong etiam veni del citate.
Le Daejeon Museo de Arte, situate in le Parco Dunsan, es un museo de arte corean famose, que concentra al junctura de arte e technologia. Existe anque le Daejeon Philharmonic Orchestra, que recentemente comenciava toures international como un symbolo cultural del citate.
Daejeon se divide in 5 sectiones ("Gu").
Nomine | Hangul | Hanja |
Daedeok-gu | 대덕구 | 大德區 |
Dong-gu | 동구 | 東區 |
Jung-gu | 중구 | 中區 |
Seo-gu | 서구 | 西區 |
Yuseong-gu | 유성구 | 儒城區 |