Le crimine es un typo de conducta human illicite e sanctionate, e indica specificamente le categoria de infractiones del lege le plus grave, categoria plus o minus vaste secundo le varie systemas juridic; per exemplo le homicidio es designate como crimine in tote codices penal del mundo, dum le intascamento pote esser classificate minormente como delicto o contravention. Le parola proveni de «crimen, criminĭs», indicante in latino classic originalmente un «accusation» o plus tosto un «capite de accusation», que postea, in latino medie, veni a significar «falta» o «violation» ipse del lege.