In le Statos Unite de America, le subdivision de un stato es un contato[1], in anglese county. Historicamente, iste nomine es originari del contatos de Anglaterra ubi illos realmente esseva le territorios de contes.
In 48 del 50 statos, le governamentos statal usa le parola "contato" internalmente pro referer a lor divisiones. In contrario, dividite es le stato Louisiana in parishes (a saper parochias) e le stato Alaska in boroughs e census areas. Nonobstante, le leges federal refere al divisiones de omne 50 statos (e alsi del territorios statounitese) como "contatos," specificante: "Le parola 'contato' include un parochia, o alcun altere subdivision equivalente de un Stato o Territorio del Statos Unite" (in anglese: "The word 'county' includes a parish, or any other equivalent subdivision of a State or Territory of the United States."[1])