Le cavallo es un pecia in le joco de chacos que respresenta un cavallo. In le position initial cata jocator ha duo cavallos.

Le cavallo pote mover se a cata secunde plus proxime quadrato del altere color que illo super qual illo se trova. In altere parolas, illo pote mover se per duo quadratos in avante e un a dextera, o duo quadratos in avante e un a sinistra, o duo quadratos a sinistra e un a retro, etc. Illo es le sol pecia del joco que pote saltar supra altere pecias.

Le valor de un cavallo es circa le mesmo como que illo de un episcopo, a saper tres punctos. Un cavallo es le plus forte quando illo es al centro del chachiero proque illo pote ir al plus de quadratos: octo. Al contrario illo es le plus debile al bordo del chachiero proque illo pote ir a solo quatro quadratos, e illo es mesmo plus debile in un angulo proque illo pote ir a solo duo quadratos. Un cavallo es in principio plus forte que un episcopo in un position claudite o quando tote le pedones es al mesme latere del chachiero.