Buenos Aires[1] ("bon ventos" in espaniol) es le capital de Argentina. Le population del citate es le plus grande in le pais. Argentina ha un provincia con le mesme nomine, e ubi le capital etiam es appellate Capital Federal. Le gente de Buenos Aires es appellate "porteños" (gente del porto).
Buenos Aires es le capital e le plus grande citate de Argentina. Illo es locate in le costa sud del Río de la Plata, in le costa sud-est del continente Sud American. Le citate de Buenos Aires non es parte del Provincia de Buenos Aires, ni su capital. In vice, illo es un districto autonome. Grande Buenos Aires es le tertie plus grande accommodamento urban in America Latin, con un population de circa 13 milliones.
Buenos Aires (bon aeres o bon ventos) esseva originalmente nominate post que "Nostra Signora di Bonaria" (italiano pro "Nostre Seniora de Bonaria) in Cagliari, Sardinia. In le reforma del constitution de 1994, le citate deveniva autonome, e tunc su nomine formal "Ciudad Autónoma de Buenos Aires", Citate Autonome de Buenos Aires.
Le homine de mar Juan Díaz de Solís, navigator in nomine de Espania, esseva le prime europee in arrivar in le Rio de la Plata in 1516. Su expedition esseva interrumpite quando ille esseva assassinate durante un attacco del tribo native Charrúa ubi hodie es Uruguay.
Le citate esseva fundate in 1536 per le espaniol Pedro de Mendoza con le nomine "Ciudad de Nuestra Señora Santa María del Buen Ayre" (Citate de Nostre Seniora Sancte Maria del Bon Vento).
Depost de su conflictos interne del seculo 19, Buenos Aires esseva federalisate e removite del Provincia de Buenos Aires in 1880. Le limites del citate esseva aggrandite pro includer le burgos de Belgrano e Flores, que es nunc quartieros del citate.