Anders Celsius | |
---|---|
![]() | |
Sexo | mascule |
Nascentia | 1701-11-27 (Uppsala) |
Decesso | 1744-04-25 (Uppsala Cathedral Assembly) |
Causa de decesso | tuberculosis |
Loco de reposo | Old Uppsala Church[*] |
Citatania | Svedia |
Educate in | Universitate de Uppsala |
Occupation | Astronomo, physico, mathematico, professor universitari[*], inventor, chimico, meteorologist[*] |
Obras notabile | Celsius |
Conjuge | sin valor |
Parentes | patre Nils Celsius[*] |
Premios | Fellow of the Royal Society[*] |
Lingua | latino, svedese |
Signatura |
![]() |
Identificatores | |
ISNI | 0000000110287031 |
VIAF | 67259216 |
Commons | Anders Celsius |
Anders Celsius (le 27 de novembre 1701 in Uppsala, Svedia - 25 de april 1744 in Uppsala) esseva un scientista e astronomo svedese, in servicio como professor de astronomia al Universitate de Uppsala. Ille es hodie cognoscite pro le scala Celsius, le scala de thermometro de cento grados. Le unitate ha pro isto essite nominate secundo ille e es scribite per un C majuscule: °C.
Anders Celsius esseva le filio del astronomo Nils Celsius (1658-1724) e Gunilla Spole (1672-1756). Anque granpatre Magnus Celsius esseva un recognoscite recercator intra astronomia e mathematica. Anders Celsius esseva le alumno de Eric Burman, qui habeva essite le alumno del patre de Anders Celsius como professor de "mathematica superior" (astronomia). Al morte de Eric Burman in 1730, Anders Celsius esseva appunctate su successor como professor. Duo annos plus tarde ille iva a un viage de cinque annos extra Svedia pro studiar observatorios in Europa. In 1730 ille publicava Nova Methodus distantiam solis a terra determinandi (Un nove methodo pro determinar le distantia inter le Sol e le Terra).
Le viage le portava a Nürnberg in Germania (1733) e Roma in Italia, ubi ille discoperiva que le lumine del Luna a novilunio es octo vices plus debile que a plenilunio, que le Sol ha un lumine 320.000 vices plus grande que le Luna, e que illo a mediedie brilla 130 vices plus forte que al poner del sol. Ille supportava le fundation del Academia Regal de Scientias (1739) in Svedia ma non esseva un fundator original.
Post retornar a Uppsala Anders Celsius voleva eriger un observatorio. Illo esseva preste in 1741. Ci ille studiava le planetas, le aberration del stellas etc. Ille anque supportava le transition de Svedia al calendario gregorian. Ille esseva pionero in Svedia pro collaboration international intra le scientia e habeva un grande rete de contactos estranier.
Hodie su nomine es ligate al scala Celsius que ille creava e que es le plus usate internationalmente. Ille fixava le puncto de ebullition de aqua a zero e le puncto de congelation de aqua a 100 grados. Post su morte, le scala esseva invertite, assi que le puncto de congelation deveniva zero grados e le puncto de ebullition 100 grados.
Anders Celsius moriva in 1744 in le etate de 43 annos como consequentia de tuberculosis. Ille es sepelite in Gamla Uppsala Kyrka.