Watch Dogs 2 (անգլ. թարգմանաբար՝ «Պահապան շներ 2»), action-adventure ժանրի, մուլտիպլատֆորմային համակարգչային խաղ թողարկված ֆրանսիական Ubisoft ընկերության կողմից։ PlayStation 4-ի և Xbox One-ի տարբերակը թողարկվել է 2016 թվականի նոյեմբերի 15-ին։ Անհատական համակարգիչների համար տարբերակի թողարկումը կայացավ 2016 թվականի նոյեմբերի 29-ին։ Խաղը համարվում է 2014 թվականին թողարկված Watch Dogs խաղի սքիվելը։ Այս խաղում նույնպես շարունակվում է նախկին տարբերակի գաղափարը՝ հաքերային գործունեություն, որի հիմնական նպատակը խաղային բաց աշխարհի ուսումնասիրումն է։
Watch Dogs 2-ը առաջին անգամ ցուցադրվեց 2016 թվականի հունիսի 8-ին դեբյուտային թրեյլերով[8], որում ցուցադրվեց խաղի ցանցային ռեժիմը և թարմացված միջավայրը՝ արևային Սան Ֆրանցիսկոն փոխարինելու էր եկել մռայլ Չիկագոին։ Այդ ժամանակ, առանձին թրեյլերով ներկայացվեց նոր գլխավոր հերոսը՝ հաքերը Մարկուսը, ով հետագայում միացավ DedSec խմբավորմանը։ Е3 2016-ի շրջանակներում ներկայացվեց տեսահոլովակ, որում ցուցադրվեց խաղի գեյմփլեյը[9]։
Խաղի կարգախոսը՝ «Հաքերների աշխարհը սպասում է ձեզ»։
Watch Dogs 2-ում կա հիմնակ առաքելությունների ցանկ, որոնք կոչված են պատրաստելու խաղացողին քվեստներին։ Կառուցվածքով խաղում կողոպուտները հիշեցնում են GTA V-ը, իսկ սպանություները Assassin's Creed 2-ը[10]։ Սակայն իր տարբերություն վերը նշված խաղերի գլխավոր հերոսների, այս խաղում հերոսը հանցագործ կամ մարդասպան չէ, այլ հաքեր է։ Այդ իսկ պատճառով հերոսը խաղի ընթացքում հիմնականում գաղտնագողի է շրջում, սակայն խաղում արգելված չէ զենքի օգտագործումը[11]։
Առաջադրանքի կատարման համար հերոսը չի կառչում մեկ ճիշտ որոշումից, նա կարող է ազատ կատարել որոշում, և նպատակին կարելի է հասնել մի քանի ճանապարհով։
Առաքելության կատարման համար անհրաժեշտ է համագործակցել քաղաքային համակարգի հետ։ Հաքերները կարող են «ջարդել» ցանկացած բան ինչը հիմնված է միկրոսխեմաների վրա՝ հեռախոսներ, համակարգիչներ, տեսախցիկներ, լուսացույցներ, մեքենաներ, տրանսֆորմատոներ և այլն։ Առարկաները, որոնք կարելի է ջարդել գլխավոր հերոսը տեսնում է «NetHack» ռեժիմի շնորհիվ։ Սարքերի ջարդելը թույլ է տալիս հերոսին ստանալ տեղեկություն, թշնամիներին մահապատժի ենթարկել, ստեղծել թակարդներ, ընդհանուր առմամբ նա իր ձեռքն է վերցում արդարադատությունը։
Հարկ է հիշատակել նաև հմտությունների բարելավման համակարգի մասին, ինչը հնարավորություն է տալիս բարելավել գլխավոր հերոսի հմտությունները[12]։ Հնարավոր է հմտանալ սոցալիական հաքերության մեջ կամ մեքենա վարելու հմտությունները, սովորել ջարդել քաղաքային ցանցերը կամ կատարելագործել իր ԱԹՍ-ներին։
Խաղի գլխավոր հերոս հաքերը ում անունը Մարկուս է, ծնունդով Օքլենդից է, ով տեղափոխվում է Սան Ֆրանցիսկո՝ Սիլիկոնային hովիտ, որտեղ նա միանում է ակտիվիստների DedSec խմբին։ Նրանք ձեռնոց են նետում ագահ կազմակերպություններին և քաղաքի կոռումպացված իշխանությանը, իրենց ձեռին ունենալով թարմացված ունիվերսալ ctOS 2.0 համակարգը և նրանք իրենց գործողությունները տեղադրում են սոցալիական ցացներում։
Watch Dogs խաղի երկրորդ մասին մշակման մասին հայտնի դարձավ առաջին խաղի ռելիզից շատ չանցած։ Ubisoft-ի գլխավոր Իվ Գիլմոն նշեց, որ ստուդիան լրջորդեն տրամադրված խաղի նոր մասին ստեղծման վրա։ Սքիվելին բերեցին նաև առաջին մասի մեծ վաճառքը[13]։
2015 թվականի ապրիլին առցանց հարցազրույցի ժամանակ Watch Dogs-ի գլխավոր ծրագրավորող Ժուլենա Ռիսսեն հիշատակեց խաղի սքիվելի մասին։ Նախկինում նա արդեն աշխատել էր Watch Dogs-ի Bad Blood հավելման վրա[14]։
CVG-ին տված հարցազրույցի ժամանակ Ubisoft-ի տնօրեն Լեյնել Ռայնաուդը հայտարարեց, որ լավագույն գաղափարները խաղացողներին են սպասում խաղի նոր մասում[15]։
Մեկ տարի շարունակ խաղի մասին հայտնի էր շատ քիչ տեղեկությունները, մինչ այն պահը երբ 2016 թվականի ապրիլին դերասան Կորտ Քինգը իր ինստագրամյան էջում կատարեց հրապարակում, որին ամրացված էր խաղի հավանական գլխավոր հերոսի լուսանկարը[16]։
Խաղային ԶՄԼ-ների քննարկման առարկան դարձավ նոր անհայտ սևամորթ հերոսը, ով փոխարինելու էր նախկին հերոս Էյդեն Պիրսին։ Խաղային մոդելի լուսանկարի վրա պատկերված էր ակնոցներով, գլխարկով և դեմքի ներքին մասը փակող բանդանայով հերոսը, ով մի ձեռքին պահում է ատրճանակը, իսկ մյուս ձեռքին սմարթֆոնը[17]։
E3 2016-ի մեկնարկից մեկ շաբաթ առաջ Ubisoft-ի պաշտոնական կայքում և յութուբյան ալիքում հայտնվեց խաղի մասին պատմող տեսահոլովակը, որում ցուցադրվեց նոր խաղային աշխարհը և մի քանի հերոսսներ, որոնց մեջ էր գտնվում նաև գլխավոր հերոս՝ Մարկուսը[18]։ Ինչպես նաև հայտնի դարձավ, որ Մարկուսը երիտասարդական DedSec խմբավորման անդամ է, որը պայքրում էր քաղաքցիների իրավունքների պահպանման համար ու հաճախ ոչ օրինական ճանապարհով։
Նաև ցուցադրվեցին նոր խաղային նորարական համակարգեր, որոնց շարքին է պատկանում նաև պարկուրի նոր համակարգը, հաքինգի նոր սարքերը և այլն։ Հայտարարվեց, որ Watch Dogs 2-ը կթողարկվի 2016 թվականի նոյեմբերի 15-ին՝ PlayStation 4, Xbox One և ԱՀ-ների համար[19]։ 2016 թվականի հոկտեմբերի 18-ին հայտնի դարձավ, որ համակարգիչների համար նախատեսված տարբերակը կթողարկվի ուշացումով՝ 2016 թվականի նոյեմբերի 29-ին։ Ուշացումը Ubisoft-ը բացատրեց նրանով, որ ցանկանում են խաղում ավելացնել 4K-ի ապահովում։
Խաղում գտնվող երաժշտութունները տրամադրել է Հանդսոն Մոխոուկը։ Հավաքածուն ստացել է Dedsec Soundtrack անունը։
# | Անվանում | Տևողություն |
---|---|---|
1. | «Shanghaied» | 3:53 |
2. | «Burning Desire (Hacker)» | 1:22 |
3. | «W4tched (Cinema)» | 1:06 |
4. | «Haum Sweet Haum» | 4:00 |
5. | «Cyber Driver» | 3:21 |
6. | «Amethyst» | 3:38 |
7. | «Play N Go» | 3:51 |
8. | «Eye For An Eye (Reprise)» | 1:39 |
9. | «Cyber Driver (Opera)» | 2:13 |
10. | «Citrus» | 1:04 |
11. | «Balance» | 0:54 |
12. | «Burning Desire» | 3:04 |
13. | «Eye For An Eye» | 4:10 |
14. | «Robot (Finale)» | 3:01 |
15. | «Watch Dogs Theme» | 3:55 |
16. | «The Motherload» | 4:35 |