Digital Extremes | |
---|---|
Տեսակ | տեսախաղեր մշակող |
Հիմնադրված է | 1993 |
Վայր | Լոնդոն, Միդլսեքս շրջան, Օնտարիո, Կանադա |
Երկիր | Կանադա |
Արդյունաբերություն | տեսախաղերի արդյունաբերություն |
Աշխատողների թիվ | 170 մարդ |
Մայր ընկերություն | Leyou? |
Կայք | digitalextremes.com |
Digital Extremes, մասնավոր ընկերություն, որը զբաղվում է համակարգչային խաղերի մշակմամբ։ Ընկերությունը ունի երկու արտադրողական օֆիսներ՝ առաջինը (և հիմնականը) գտնվում է Լոնդոնում, և երկրորդ (որը ավելի վաղ ժամանակում հայտնի էր ինչպես Brain Box Games դուստր ընկերություն) տեղակայված է Տորոնտոյում[1]։ Ընկերության կողմից մշակված հայտնի խաղերից են՝ Unreal և Unreal Tournament, Pariah, Dark Sector, Warframe։
Ընկերությունը հիմնադրվել է 1993 թվականին Ջեյմս Շմալցի կողմից։ Առաջին մշակված խաղը դարձավ՝ Epic Pinball-ը, որը նախատեսված էր Epic MegaGames-ի համար (հիմա՝ Epic Games)[2]։ Հետո 1993 թվականին թողարկվեց Epic MegaGames-ի հետ համատեղ մշակած՝ Silverball խաղը, որը նույնպես ստեղծված է պինբոլ ժանրով[3]։
1995 թվականին թողարկվեց Extreme Pinball խաղը, որը նախատեված էր ինչպես անհատական համակարգիչների, այնպես էլ PlayStation խաղային համակարգերի համար (ավելի ուշ վերահրապարակվեց PlayStation 3-ի համար նախատեսված տարբերակը)[4]։
1998 թվականին թողարկվեց Unreal խաղը, որը ստեղծվել էր Epic Games-ի հետ համատեղ[5]։ Այս խաղը իրենից ներկայացնում է եռաչափ հրաձգություն առաջին դեմքից, որը ստեղծվել էր այդ ժամանակաների հզորագույն խաղային շարժիչներից Unreal Engine-ի հիման վրա, այն ստացավ բարձր գնահատականներ խաղացողների և մասնագիտացված հրատարակչությունների կողմից։ Մեկ տարի անց, 1999 թվականին թողարկվեց Unreal Tournament-ը, որում արդեն հասանելի դարձավ բազմամարդ ռեժիմը։ Այս խաղը նույնպես ստացավ բարձր գնահատականներ[6]։
2001 թվականին թողարկեց պինբոլ ժանրի՝ Adventure Pinball: Forgotten Island խաղը, որում նույնպես օգտագործվեց Unreal Engine։ Խաղի հրատարակչությամբ զաղվում էր Electronic Arts ընկերությունը, և այն նախատեսված է անհատական համակարգչիների և խաղային համակարգերի համար[7]։
2002 թվականին թողարկվեց Unreal Championship խաղը, որը ցանցային հրաձգություն էր, որը նախատեսված էր հատուկ Xbox-ի համար։ Խաղի մշակումը կատարվել է Epic Games-ի հետ միասին[8]։ Բացի դա 2002 և 2004 թվականներին համապատսախանաբար թողարկվեցին Unreal Tournament 2003 և Unreal Tournament 2004 խաղերը[9][10]։
2003 թվականին Տորոնտոյում հիմնվեց Brain Box Games դուստր ընկերությունը, որը թողարկեց մի քանի ցածրգնահատականներ ստացած խաղեր՝ Desert Thunder և Land of the Dead: Road to Fiddler's Green[11][12]։ Սակայն ընկերությունը փակվեց և դարձավ արտադրողական օֆիս և ստացավ Digital Extremes Toronto անունը։
2005 թվականին թողարկվեց եռաչափ հրաձգություն՝ Pariah-ն[13], որին հաղորդված էր գիտաֆանտաստիկ ոճ և աշխատում էր Unreal Engine 2.5 խաղային շարժիչով[14]։ Մեկ տարի անց կայացավ WarPath խաղի թողակումը[15]։
2008 թվականին թողարկվեց Dark Sector խաղը, որը հիմնվել է սեփական շարժիչով և մշակվել է մի քանի տարի շարունակ[16][17]։ Բացի դա նույն տարում թողարկվեց BioShock խաղի տարբերակը PlayStation 3-ի համար[18], իսկ 2010-2011 թվականներին աշխատել է BioShock 2 բազմամարդ խաղի մշակման վրա[19], և Homefront խաղի տարբերակը նախատեսված ԱՀ-ների համար[20]։
2012 թվականին թողարկվեց The Darkness 2 խաղը[21][22] Խաղի առաջին մասը ստեղծվել է շվեդական Starbreeze Studios ստուդիաի կողմից[23]։ Խաղի առաջին մասը ստեղծվել է շվեդական Starbreeze Studios ստուդիաի կողմից։ Նույն տարում էլ ընկերությունը ցուցադրեց բազմամարդ Warframe խաղը[24]։
Ինչպես նաև Digital Extremes-ը համագործակցել է TechAlliance-ի հետ և իր մոտ է ընդունում տասնյակ աշակերտներ, որպեսզի նրանց հնարավորություն տա հանդիպել ընկերության գործընկերների հետ[25], բացի դա ընկերությունը հաղթել է DIG London կոնֆերանսում[26]։ Dark Sector խաղի թողարկման համար օգտագործվել է Digital Extremes-ի կողմից թողարկված Evolution Engine-ը, որը կարող են գնել նաև այլ ստուդիաներ[27]։