Christopher Columbus | |
---|---|
![]() Co-chaslys lurg baase jeh Columbus liorish Sebastiano del Piombo, 1519. Cha nel co-chaslyssyn firrinagh jeh Columbus ayn.[1] | |
Ennym ruggyree | Cristoforo Corombo |
Ruggit |
1451, 1450, 31 Jerrey Fouyir 1451, 1 Mean Fouyir 1451, 1451 Genova, Pobblaght Genova |
Hooar baase |
20 Boaldyn 1506, 19 Boaldyn 1506 Valladolid, y Chashteel |
Bun baaish | (failleilys cree) |
Boayl oanluckee |
Catedral de Sevilla (en) ![]() |
Seyraanaght |
Republic of Genoa (en) ![]() |
Çhengey | Spaainish · Iddaalish |
Keird | ronseyder · shiaulteyr · marrinagh · troailtagh · ynlaghteyr |
Sheshey |
Filipa Moniz Perestrelo (en) ![]() |
Leggad |
Beatriz Enríquez de Arana (en) ![]() |
Paitçhyn | |
Ayr | Domenico Colombo |
Moir | pep |
Braaraghyn as shuyraghyn | |
Enmys |
profanador (en) ![]() Viceroy of the Indies (en) ![]() |
Olteynys boayrd |
Columbus Conquistador of America (en) ![]() |
Credjue | Agglish Chatoleagh Raueagh |
Coorse caggee | |
Ammys | Crooin y Chashteel |
Rhenk |
ard-marragh almirante de la mar Océana (en) ![]() |
Unnid |
Columbus' fleet (en) ![]() |
Kianglaghyn fysseree as sheshoil | |
![]() |
Christopher Columbus (ruggit eddyr 25 Luanistyn as 31 Jerrey Fouyir 1451, hooar baase 20 Boaldyn 1506), she ronseyder as shiaulteyr Iddaalagh ren kiare marrinyssyn harrish y Cheayn Sheear fo gialdynys Monarkyn Catoleagh y Spaainey, foshley yn bollagh da ronsaghey as coloinaghey Oarpagh America. Ta ny marrinyssyn echey coontit myr y chied cheayrt ren ny h-Oarpee cur fys er y Charib, America Veanagh, as America Yiass.
Ta'n ennym Christopher Columbus çheet ass Christophorus Columbus y Ladjyn. Ta scoillaryn coardail dy row Columbus ruggit ayns Pobblaght Genova as dy loayr eh abbyt y Ligoorish myr çhengey ny mayrey echey. Hie eh magh er y vooir tra v'eh foast aeg as ren eh jurnaaghey dy lheeadagh, cha foddey twoaie as ny h-Ellanyn Goaldagh as cha foddey jiass as thalloo t'er enney jiu myr y Ghaney. Phoose eh rish y ven ooasle Phortiugagh Filipa Moniz Perestrelo, rug y mac echey Diego, as v'eh bunnit ayns Lisbon feie shiartanse dy vleeantyn. Ny s'anmey, ghow eh lhiannan Cashteelagh, Beatriz Enríquez de Arana, rug y mac echey, Fernando (er n'enmyssey Hernando chammah).[2][3]
Son y chooid smoo, va Columbus hene-ynsit, as s'lheeadagh ren Columbus lhaih y çheer-oaylleeaght, y rollageydys, as y shennaghys. Lhiassee eh cummey bollagh marrey sheear y gheddyn da ny h-Injyn Shiar, geearree vondeish y gheddyn voish traght vondeishagh ny spisyn. Lurg Caggey Granada, as erreish da ren Columbus cur shilley er ram reeriaghtyn, ren ny Monarkyn Catoleagh Benrein Ysbal I as Ree Fernando II coardail cummal seose marrinys sheear. Daag Columbus y Chashteel ayns Luanistyn 1492 as tree lhong echey as ren eh roshtyn mooar-rheynn America er 12 Jerrey Fouyir, cur jerrey rish eash chummaltys deiney v'ayn t'er enney jiu myr yn eash roie-Cholombagh. She ellan ayns ny Bahamaghyn va'n boayl tarlheimagh echey, v'er enney ec ny dooghyssee myr Guanahani. Lurg shen, ren eh keayrt er ny h-ellanyn t'er enney jiu myr y Choobey as Hispaniola, raad chur eh coloin er bun ayns boayl ta coontit jiu myr ayrn jeh Haiti. Haink Columbus er ash dys y Chashteel ayns 1493, gymmyrkey kuse dy gheiney dooghyssagh goit lesh. Er y gherrid, hie naight y varrinys echey er ny skeayley feie'n Oarpey.
Ren Columbus tree marrinys elley dys America, ronsaghey ny h-Antillaghyn Beggey ayns 1493, y Trinaid as coose hwoaie America Yiass ayns 1498, as coose hiar America Veanagh ayns 1502. Hug eh enmyn da ram cummaghyn thalloin, ellanyn er lheh, as t'ad foast ayn jiu. Hug eh yn ennym indios ("Injinee") dys sleih dooghyssagh chur eh fys er. Cha nel eh baghtal my row eh credjal dy nee mooar-rheynn er lheh va America. Myr kiannoort coloinagh, ren co-emshiree echey cassid er Columbus er y veishtallys trome-cheeallagh as v'eh goit ass yn oik. Myr eiyrtys er y vooinjerys sheeynt rish Crooin y Chashteel as ny kiannoortyn pointit ayns America, va Columbus goit as arrit ass Hispaniola ayns 1500.
Ren marrinyssyn Columbus cur eash ronsee, varriaght, as choloinee er bun hie er mayrn feie keeadyn dy vleeantyn, tayrn America stiagh ayns cruinney cummaght yn Oarpey. Ta livrey-ys earraghtyn, eieyn, as deiney eddyr y y Çhenn Theihll as y Seihll Noa lurg e chied varrinys goll er enney myr y coonrey Colombagh. Va Columbus kelloorit dy lheeadagh lurg e vaaish, agh ta'n barel theayagh er ny vrishey car y 21d eash er-yn-oyr dy vel scoillaryn cur fys er h-asseeyn va jeant fo'n chiannoortys echey, goaill stiagh jee-chummaltys ny deiney dooghyssagh Taíno as y cleabaght oc ayns Hispaniola. Ta ram buill foast gymmyrkey yn ennym echey, goaill stiagh y Cholombey, Slyst y Cholombey, as y Cholombey Ghoaldagh.