Un tren de alta velocidade (TAV), tren rápido ou tren bala é aquel que alcanza velocidades iguais ou superiores a 200 km/h sobre liñas existentes actualizadas, e 250 km/h sobre liñas especificamente deseñadas para tal efecto, segundo a UIC (Unión Internacional de Ferrocarrís).[1] En todos os casos trátase de vehículos e vías férreas desenvolvidas de forma conxunta, dado que as velocidades alcanzadas esixen de técnicas específicas.
O tren de alta velocidade está considerado como o medio de transporte máis seguro do mundo, por diante do avión.[2] Nos últimos 60 anos só houbo cinco accidentes con vítimas mortais, sendo o máis grave o accidente de Eschede.[3]