The Mist | |
---|---|
Ficha técnica | |
Título orixinal | The Mist |
Director | Frank Darabont |
Produtor | Frank Darabont Martin Shafer Liz Glotzer |
Guión | Frank Darabont |
Baseado en | The Mist de Stephen King |
Intérpretes | Thomas Jane Marcia Gay Harden Laurie Holden Andre Braugher Toby Jones |
Fotografía | Rohn Schmidt |
Montaxe | Hunter M. Via |
Estudio | Dimension Films Darkwoods Productions |
Distribuidora | Metro-Goldwyn-Mayer The Weinstein Company |
Estrea | 2007 |
Duración | 126 minutos |
Orixe | ![]() |
Xénero | Terror |
Orzamento | $18 000 000[1] |
Recadación | $57 293 715 |
Na rede | |
![]() ![]() ![]() ![]() ![]() ![]() ![]() ![]() ![]() ![]() ![]() |
The Mist (tamén coñecido como Stephen King's The Mist) é un filme estadounidense de terror de 2007 dirixido, producido e escrito por Frank Darabont. Baséase na novela homónima de Stephen King.
Un artista comercial David Drayton (Thomas Jane) e a súa esposa Stephanie (Kelly Collins Lintz) ven avanzar unha néboa inusitada pola lagoa que se atopa a carón da súa vivenda. Inmediatamente despois de ter rematado coa limpeza ocasionada pola treboada que os golpeou pola noite, David e o seu veciño Brent Norton (Andre Braugher), xunto co fillo de David, Billy (Nathan Gamble), acoden ó supermercado local, observando que toda a comunidade local quedou sen electricidade. Ó chegar á tenda decátanse tamén da crecente actividade policial nas rúas. De súpeto, Dan Miller (Jeffrey DeMunn) chega correndo á tenda cunha hemorraxia no fociño e advirte de que algo perigoso dentro da néboa estase a aproximar. Vendo como a néboa se dirixe ó establecemento e escoitando os berros dun home que non logra entrar dentro, os xerentes da tenda, seguindo o consello de Miller, comunícanlles ós clientes que se selarán as portas para que nada poida entrar no supermercado. Con visibilidade nula cara a fóra do supermercado, e sen saber o que lle ocorreu ó home que ficou fóra, os refuxiados comezan a formar grupos segundo o que pensan que ocorreu e tamén o que deben facer para sobrevivir.