Terrassa Futbol Club | |||
---|---|---|---|
Nome | Terrassa Futbol Club | ||
Fundación | 1906 | ||
Estadio | Estadi Olímpic de Terrassa, Terrassa, Barcelona, España | ||
Inauguración | 1960 | ||
Capacidade | 11.500 espectadores | ||
Presidente | Jesús Fernández | ||
Adestrador | Miquel Olmo | ||
Liga | 3ª - Grupo 5 | ||
2011–12 | 7º | ||
Na rede | |||
http://www.terrassafc.com | |||
| |||
O Terrassa Futbol Club é un club de fútbol catalán, da cidade de Terrassa, na provincia de Barcelona. Fundouse en 1906 e xoga actualmente na Terceira División de España.
En 1902 xogouse o primeiro partido de fútbol en Terrassa, por estudantes da Escola Industrial. En 1906 un grupo destes rapaces crea o Young’s Club nos terreos de En Belil. Dous anos máis tarde pasa a chamarse Terrassa Foot-Ball Club e en 1911 pasa a ser Terrassa Futbol Club. Despois da Guerra Civil e ata 1969 o club tivo a denominación de CD Terrassa.
En 2009 o Terrassa FC entrou en proceso de liquidación; o 29 de xuño outorgáronse os dereitos federativos a TFC Sports SL, que pasou a xestionar o club coa condición de que ao cabo duns meses a natureza xurídica do club cambiase a club social ou sociedade anónima deportiva. No ano 2010 creouse a empresa Terrassa Olímpica 2010 SAD, que adquiriu os dereitos federativos da anterior sociedade anónima deportiva para garantir a continuidade do proxecto.
O Terrassa xoga no Olímpic de Terrassa, con capacidade para 11.500 espectadores. O estadio foi estreado en 1960 cun partido entre o Terrassa FC e o Sevilla FC que acabou cun resultado de 2-4.