Biografía | |
---|---|
Nacemento | (ta) இரமண மகரிசி 30 de decembro de 1879 Tiruchuli Assembly constituency, India (en) |
Morte | 14 de abril de 1950 (70 anos) Sri Ramana Ashram, India (en) |
Causa da morte | cancro |
Datos persoais | |
País de nacionalidade | India (1950–) Dominio da India (1947–1950) Raj Británico (–1947) |
Relixión | Advaita Vedanta e Neo-Vedanta (en) |
Actividade | |
Ocupación | filósofo , escritor |
Movemento | Neo-Vedanta (en) |
Alumnos | Kapali Sastry (en) |
Influencias | |
Lingua | Lingua támil |
Ramana Maharshi, nado como Venkataraman Iyer o 30 de decembro de 1879 e finado o 14 de abril de 1950, foi un dos mestres espirituais hinduístas máis coñecidos e respectados do século XX.
Nado no seu dunha familia Brahmin de Tamil Nadu, abandonou o fogar no que vivía co seu tío pouco despois de experimentar o que máis tarde describiría coma "a liberación" (Moksa), cando contaba dezaseis anos. Foi en tren ata Tiruvannamalai, a render culto á montaña sagrada que preside a vila, Arunachala, e que sempre considerou coma o seu mestre (Guru), e nunca máis abandonou o lugar ata a súa morte, á idade de setenta anos.
Ramana sempre mantivo que a forma máis pura da súa ensinanza era transmitida en silencio[1], porén respondía decote ás preguntas que os diferentes visitantes lle facían referentes á natureza da realidade última.
Este método de ensinanza ten sido comparado co de Dakshinamurti: Shiva baixo a aparencia dun ascético que ensina a través do silencio.
A autoindagación (self-enquiry) consiste na atención e reflexión constante no “eu” ou “eu son”.
Ramana advertía sobre o erro consistente en practicar a autoindagación como exercicio intelectual. Cando é levada á práctica de xeito correcto, a autoindagación leva a fixar a atención intensamente na sensación “eu”, sen pensar. A atención debe manterse fixa no “eu” ata que o “eu” desapareza e o Brahman sexa realizado.
Ramana Maharshi: “Onde aparece o “eu”? Busca dentro de ti, entón o “eu” desaparece. Isto é o que procura a sabedoría”.[2]
Mantiña o Maharshi que o xeito máis efectivo de acadar a liberación (Moksa) era a autoindagación, mais non descartaba outros métodos de aproximación ao Ser (Brahman), coma o Karma Ioga ou o Bhakti Ioga[3]: a total entrega ao Guru.
Wikimedia Commons ten máis contidos multimedia na categoría: Ramana Maharshi |