![]() ![]() | |
Nome orixinal | (en) Ralph Bakshi (he) רלף בקשי ![]() |
---|---|
Biografía | |
Nacemento | 29 de outubro de 1938 ![]() Haifa (Palestina) ![]() |
Datos persoais | |
Residencia | Nova York ![]() |
País de nacionalidade | Estados Unidos de América ![]() |
Educación | High School of Art and Design (en) ![]() Thomas Jefferson High School (en) ![]() ![]() |
Actividade | |
Lugar de traballo | Estados Unidos de América ![]() |
Ocupación | director de cinema , animador , xornalista , actor de dobraxe , produtor de televisión , escritor , pintor , actor , guionista , produtor de cinema , realizador ![]() |
Período de actividade | 1959 ![]() |
Lingua | Lingua inglesa ![]() |
Premios
| |
Páxina web | ralphbakshi.com ![]() |
![]() ![]() ![]() ![]() ![]() ![]() ![]() ![]() ![]() |
Ralph Bakshi, nado en Haifa (Mandato británico de Palestina), o 29 de outubro de 1938, é un cineasta e animador estadounidense. A medida que a industria de animación estadounidense declinaba durante as décadas de 1960 e 1970, Bakshi intentou innovar e foi pioneiro da animación para adultos, como Fritz the Cat baseado no personaxe de Robert Crumb. En 1978 dirixiu a primeira adaptación cinematográfica de O Señor dos Aneis, a novela de fantasía heroica de J. R. R. Tolkien. O seu último éxito foi Cool World (1992), que mestura imaxe real con debuxos animados.
Ralph Bakshi naceu o 29 de outubro de 1938 en Haifa, daquela parte do Mandato británico de Palestina. En 1939, a súa familia mudouse a Nova York para escapar da segunda guerra mundial.[1][2] Criouse no Brooklyn e estudou na "High School of Industrial Art". Despois de graduado estivo traballando nos estudios de animación de Terry Toons en New Rochelle, coloreando personaxes como Mighty Mouse e outros. Desde os 25 anos traballou como director creativo dos estudios CBS, onde creou os Mighty Heroes.
En 1967, a Paramount chamouno para producir e dirixir longametraxes como Marvin Digs, Mini Squirts, Fritz the Cat etc. Este último foi escrito e dirixido por el en 1971. A partir de aí Bakshi dirixiu varias longametraxes como Heavy Traffic en 1973, Street Fight en 1975 e Wizards en 1977.
En 1978 Ralph Bakshi dirixiu The Lord of the Rings, unha historia adaptada do clásico de J. R. R. Tolkien, usando técnicas do rotoscopio, método usado por Disney para animar personaxes ultra-realistas.
En 1981 estrou American Pop, onde aborda a evolución dun grupo de música americano que inclúe como banda sonora músicas de George Gershwin, Dave Brubeck, Herbie Hancock, Bob Dylan, The Doors, Velvet Underground e Jimi Hendrix, entre outros. Seguidamente Hey Good Lookin (1981) e Fire and Ice (1983), colaborando con Frank Frazetta, renomeado ilustrador de cómics fantásticos, que conta a historia dun heroe que salva unha princesa dun tirano que ten o poder de dominar o xeo.
En 1991 comeza a traballar en Cool World, filme que mestura a animación con imaxes reais e na cal traballa con Brad Pitt e Kim Basinger.