Pepe Murcia | |||
---|---|---|---|
Información persoal | |||
Nome | José Murcia González | ||
Nacemento | 3 de decembro de 1964 (59 anos) | ||
Lugar de nacemento | Córdoba | ||
Posición | dianteiro | ||
Adestrador | |||
Anos | Equipos | ||
1992–1994 | Alcázar (xuvenís) | ||
1994–1996 | Séneca (xuvenís) | ||
1996–2000 | Córdoba (xuvenís) | ||
2000–2001 | Córdoba B | ||
2001–2002 | Córdoba | ||
2002–2003 | Cartagena | ||
2003–2005 | Atlético B | ||
2005–2006 | Atlético de Madrid | ||
2006–2007 | Xerez | ||
2007–2008 | Castellón | ||
2008–2009 | Celta de Vigo | ||
2009 | Albacete | ||
2011 | Salamanca | ||
2011 | Braşov | ||
Na rede | |||
![]() ![]() | |||
[ editar datos en Wikidata ] | |||
José Murcia González, máis coñecido como Pepe Murcia, nado en Córdoba o 3 de decembro de 1964, é un adestrador de fútbol español.
Comezou adestrando equipos xuvenís de Andalucía coma o Alcázar, o Séneca ou o equipo xuvenil do Córdoba CF.
O seu primeiro equipo importante sería o FC Cartagena en Segunda División B na tempada 2002-03. Ao ano seguinte volvería a adestrar a un filial, neste caso o do Atlético de Madrid.
Na tempada 2005-06 tivo a súa grande oportunidade ao facerse cargo do primeiro equipo, xa que o adestrador inicial, o arxentino Carlos Bianchi, foi destituído mediada a tempada ao estar o equipo preto dos postos de descenso. Porén pese a un comezo moi prometedor que puxo ao equipo en posicións europeas rematou nunha discreta 10ª posición, polo que deixa o equipo.
A tempada seguinte fichou polo Xerez CD de Segund División cunha historia parecida ao do Atlético, quedando o equipo lonxe do ascenso. De Xerez pasou ao CD Castellón como revulsivo, misión que cumpriu ben.
O bo papel feito en Castelló valeulle para fichar polo Celta de Vigo en 2008 para o segundo intento de ascenso a Primeira División. Facendo unha campaña irregular que rematou case co descenso a Segunda División B e sendo substituído en marzo de 2009 por Eusebio Sacristán[1].
Na tempada 2009-10 dirixiu o Albacete Balompié pero foi destituído antes de Nadal polo malos resultados. Ese mesmo ano el mesmo e o ex-celtista Notario tomaron parte nuns vergonzosos actos que ocorreron cando o equipo manchego visitou Vigo, que rematou con insultos e agresións que lle supuxeron ao xogador do Celta David Catalá catro encontros de sanción pese a que non estaba presente[2].
O 15 de febreiro de 2011 foi fichado polo UD Salamanca para substituír a Óscar Cano Moreno, pero só estivo 8 encontros na dirección do equipo ao non lograr enderezar o rumbo do equipo.
Ese mesmo ano decide emigrar e fichar polo FC Brasov, da Primeira División Romanesa pero dimite ao cabo dun mes por diferenzas coa dirección do club e problemas persoais, so dirixiría ao equipo en tres encontros pese a ter firmado por dúas tempadas.