Onda gravitacional é a onda que transmite enerxía por medio de deformacións no espazo-tempo, ou sexa, por medio do campo gravitacional. A teoría xeral da relatividade predí que as masas aceleradas poden causar este fenómeno, que se propaga coa velocidade da luz. En febreiro de 2016 voceiros do experimento LIGO anunciaron a detección de ondas gravitacionais xeradas pola colisión de dous buratos negros.[1][2][3]
No ano 1905 Henri Poincaré publicaba un artigo titulado “Sur la dynamique d’ l’électron" onde resumía a teoría da relatividade (especial) de Einstein e postulaba que a gravidade se transmitía por unha onda a que chamou "onde gravifique".
No ano 1915 faise pública a Teoría Xeral da Relatividade, onde Einstein incorpora a súa concepción da gravidade. Aínda así non seria até 1936 cando Einstein e Rosen publican un artigo na revista Journal of the Franklin Society titulado "On gravitational waves" onde rematará recoñecendo a posibilidade real de ondas gravitatorias e xerando unha solución matemática no espazo euclidiano.
As ondas gravitacionais comezaron a estudarse xa no século XXI. O seu estudo pode dar froito en diversos campos, como para analizar os primeiros momentos do universo, máis lonxe aínda no tempo que a información que pode dar o fondo cósmico de mircroondas.[4]
Este artigo sobre física é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |