O Olympiacos Fútbol Club (en grego: Oλυμπιακός Σύνδεσμος Φιλάθλων Πειραιώς, transliterado "Olympiacos Syndesmos Filathlon Pireos", Olympiacos Club de Fans do Pireo), tamén coñecido como Olympiacos FC (grego: ΠΑΕ Ολυμπιακός) Olympiacos do Pireo, ou simplemente Olympiacos, ás veces escrito Olympiakos, é un club de fútbolgrego que forma parte da sociedade polideportiva Olympiakos CFP, con sede no Pireo, Ática.
O Olympiacos está considerado como un dos tres grandes clubs de fútbol de Grecia, xunto ao Panathinaikos e ao AEK Atenas, e é un dos únicos catro equipos que nunca foron relegados da Primeira División. É, ademais, o club máis exitoso na historia do fútbol heleno, gañando 47 títulos de Liga, 28 Copas e 4 Supercopas, máis títulos que ningún outro equipo grego. Nas competicións europeas alcanzou os cuartos de final en dúas ocasións: na Liga de Campións 1998–99 e na Recopa de Europa 1992–93. O Olympiakos é tamén un dos membros fundadores da Asociación Europea de Clubs.
Camiseta oficial do Olympiacos para a tempada 2008–09.
O equipamento tradicional do Olympiacos é camiseta de raias vermellas e brancas e pantalón vermello. A continuación amósase un resumo dos equipamentos do club ao longo da súa historia, cos cambios máis significativos.