A Oficina Europea de Patentes é unha institución vencellada á Unión Europea pero independente dela (ten como socios da organización países que non están nela). O seu propósito é organizar e coordinar as diversas oficinas nacionais de patentes.
Ten como linguas de traballo o inglés, francés e alemán, e sedes en Múnic, A Haia, Viena, Bruxelas e Berlín.
Está formada por Alemaña, Austria, Bélxica, Bulgaria, Chequia, Chipre, Dinamarca, Eslovaquia, Eslovenia, España, Estonia, Finlandia, Francia, Grecia, Hungría, Islandia, Italia, Liechtenstein, Letonia, Lituania, Luxemburgo, Mónaco, Países Baixos, Polonia, Portugal, Reino Unido, Romanía, Suecia, Suíza e Turquía.